ಗೌರೀ ದಶಕಂ PDF

लीलारब्धस्थापितलुप्ताखिललोकां लोकातीतैर्योगिभिरन्तश्चिरमृग्याम् । बालादित्यश्रेणिसमानद्युतिपुञ्जां गौरीमम्बामम्बुरुहाक्षीमहमीडे ॥ १॥

līlārabdhasthāpitaluptākhilalokāṃ lokātītairyogibhirantaściramṛgyām | bālādityaśreṇisamānadyutipuñjāṃ gaurīmambāmamburuhākṣīmahamīḍe || 1||

1. ಲೀಲಾಮಾತ್ರದಿಂದ ಸಮಸ್ತ ಲೋಕಗಳನ್ನು ಸೃಷ್ಟಿಸಿ, ಪಾಲಿಸಿ, ಲಯಗೊಳಿಸುವ; ಲೋಕಾತೀತ ಯೋಗಿಗಳಿಂದ ಅಂತಃಕರಣದಲ್ಲಿ ಚಿರಕಾಲ ಹುಡುಕಲ್ಪಡುವ; ಉದಯಿಸುವ ಸೂರ್ಯರ ಸಾಲಿನಂತಹ ತೇಜಃಪುಂಜವಾದ ಆ ಕಮಲನಯನ ಮಾತೆ ಗೌರಿಯನ್ನು ನಾನು ಸ್ತುತಿಸುತ್ತೇನೆ.

प्रत्याहारध्यानसमाधिस्थितिभाजां नित्यं चित्ते निर्वृतिकाष्ठां कलयन्तीम् । सत्यज्ञानानन्दमयीं तां तनुरूपां गौरीमम्बामम्बुरुहाक्षीमहमीडे ॥ २॥

pratyāhāradhyānasamādhisthitibhājāṃ nityaṃ citte nirvṛtikāṣṭhāṃ kalayantīm | satyajñānānandamayīṃ tāṃ tanurūpāṃ gaurīmambāmamburuhākṣīmahamīḍe || 2||

2. ಪ್ರತ್ಯಾಹಾರ-ಧ್ಯಾನ-ಸಮಾಧಿಯಲ್ಲಿ ನೆಲೆಸಿದ ಸಾಧಕರ ಚಿತ್ತದಲ್ಲಿ ನಿತ್ಯ ಪರಮ ನಿರ್ವೃತಿ (ಆನಂದ)ಯ ಕಾಷ್ಠೆಯಾದ; ಸತ್-ಚಿತ್-ಆನಂದಮಯಿಯಾಗಿದ್ದರೂ ಸುಂದರ ರೂಪವನ್ನು ಧರಿಸುವ ಆ ಕಮಲನಯನ ಮಾತೆ ಗೌರಿಯನ್ನು ನಾನು ಸ್ತುತಿಸುತ್ತೇನೆ.

चन्द्रापीडानन्दितमन्दस्मितवक्त्रां चन्द्रापीडालङ्कृतनीलालकभाराम् । इन्द्रोपेन्द्राद्यर्चितपादाम्बुरुहां तां गौरीमम्बामम्बुरुहाक्षीमहमीडे ॥ ३॥

candrāpīḍānanditamandasmitavaktrāṃ candrāpīḍālaṅkṛtanīlālakabhārām | indropendrādyarcitapādāmburuhāṃ tāṃ gaurīmambāmamburuhākṣīmahamīḍe || 3||

3. ಮಂದ ಮುಗುಳ್ನಗೆಯಿಂದ ಅರಳಿ ಚಂದ್ರನಿಂದ ಅಲಂಕೃತವಾದ ಮುಖವುಳ್ಳ; ನೀಲ ಕೇಶಪಾಶವನ್ನು ಚಂದ್ರಕಲೆ ಅಲಂಕರಿಸುವ; ಇಂದ್ರ-ಉಪೇಂದ್ರಾದಿ ದೇವತೆಗಳಿಂದ ಪೂಜಿತವಾದ ಚರಣಕಮಲಗಳುಳ್ಳ ಆ ಕಮಲನಯನ ಮಾತೆ ಗೌರಿಯನ್ನು ನಾನು ಸ್ತುತಿಸುತ್ತೇನೆ.

आदिक्षान्तामक्षरमूर्त्या विलसन्तीं भूते भूते भूतकदम्बप्रसवित्रीम् । शब्दब्रह्मानन्दमयीं तां तटिदाभां गौरीमम्बामम्बुरुहाक्षीमहमीडे ॥ ४॥

ādikṣāntāmakṣaramūrtyā vilasantīṃ bhūte bhūte bhūtakadambaprasavitrīm | śabdabrahmānandamayīṃ tāṃ taṭidābhāṃ gaurīmambāmamburuhākṣīmahamīḍe || 4||

4. 'ಅ'ಯಿಂದ 'ಕ್ಷ'ದವರೆಗೆ ಸಮಸ್ತ ಅಕ್ಷರಗಳ (ಸಂಸ್ಕೃತ ವರ್ಣಮಾಲೆಯ) ಸ್ವರೂಪದಲ್ಲಿ ವಿಲಸಿಸುವ; ಪ್ರತಿ ಭೂತದಲ್ಲಿ ಭೂತಸಮೂಹವನ್ನು ಪ್ರಸವಿಸುವ ಮಾತೆ; ಶಬ್ದಬ್ರಹ್ಮ-ಆನಂದಮಯಿ, ವಿದ್ಯುತ್ತಿನಂತಹ ಪ್ರಭೆಯುಳ್ಳ ಆ ಕಮಲನಯನ ಮಾತೆ ಗೌರಿಯನ್ನು ನಾನು ಸ್ತುತಿಸುತ್ತೇನೆ.

मूलाधारादुत्थितरूपां शशिनाडी- मध्याकाशे शुद्धमरीचिं प्रकटन्तीम् । हस्ते मुद्रामक्षवलीं पुस्तकमम्बां गौरीमम्बामम्बुरुहाक्षीमहमीडे ॥ ५॥

mūlādhārādutthitarūpāṃ śaśināḍī- madhyākāśe śuddhamarīciṃ prakaṭantīm | haste mudrāmakṣavalīṃ pustakamambāṃ gaurīmambāmamburuhākṣīmahamīḍe || 5||

5. ಮೂಲಾಧಾರದಿಂದ ಊರ್ಧ್ವವಾಗಿ ಉತ್ಥಿತವಾಗುವ ರೂಪವುಳ್ಳ; ಶಶಿನಾಡಿ (ಸುಷುಮ್ನಾ)ಯ ಮಧ್ಯಾಕಾಶದಲ್ಲಿ ಶುದ್ಧ ಕಿರಣ ರೂಪದಲ್ಲಿ ಪ್ರಕಟವಾಗುವ; ಕೈಗಳಲ್ಲಿ ಮುದ್ರೆ, ಅಕ್ಷಮಾಲೆ, ಪುಸ್ತಕ ಧರಿಸುವ ಆ ಕಮಲನಯನ ಮಾತೆ ಗೌರಿಯನ್ನು ನಾನು ಸ್ತುತಿಸುತ್ತೇನೆ.

नित्यः शुद्धो निष्कल एको जगदीशः साक्षी यस्याः सर्गविधौ संहरणे च । विश्वत्राणक्रीडनलोलां शिवपत्नीं गौरीमम्बामम्बुरुहाक्षीमहमीडे ॥ ६॥

nityaḥ śuddho niṣkala eko jagadīśaḥ sākṣī yasyāḥ sargavidhau saṃharaṇe ca | viśvatrāṇakrīḍanalolāṃ śivapatnīṃ gaurīmambāmamburuhākṣīmahamīḍe || 6||

6. ನಿತ್ಯ-ಶುದ್ಧ-ನಿಷ್ಕಲ-ಏಕ ಜಗದೀಶ್ವರನಾದ (ಶಿವನ) ಪತ್ನಿಯಾದ; ಆತನ ಸೃಷ್ಟಿ-ಸಂಹಾರ ಲೀಲೆಯಲ್ಲಿ ಕೇವಲ ಸಾಕ್ಷಿಯಾಗಿರುವ; ವಿಶ್ವ ಪರಿತ್ರಾಣ ಕ್ರೀಡೆಯಲ್ಲಿ ಸದಾ ಮಗ್ನಳಾದ ಆ ಕಮಲನಯನ ಮಾತೆ ಗೌರಿಯನ್ನು ನಾನು ಸ್ತುತಿಸುತ್ತೇನೆ.

यस्याः कुक्षौ लीनमखण्डं जगदण्डं भूयो भूयः प्रादुरभूदुत्थितमेव । पत्या सार्धं तां रजताद्रौ निवसन्तीं गौरीमम्बामम्बुरुहाक्षीमहमीडे ॥ ७॥

yasyāḥ kukṣau līnamakhaṇḍaṃ jagadaṇḍaṃ bhūyo bhūyaḥ prādurabhūdutthitameva | patyā sārdhaṃ tāṃ rajatādrau nivasantīṃ gaurīmambāmamburuhākṣīmahamīḍe || 7||

7. ಯಾರ ಉದರದಲ್ಲಿ ಅಖಂಡ ಬ್ರಹ್ಮಾಂಡ ಲಯವಾಗಿ ಪುನಃ ಪುನಃ ಹೊಸದಾಗಿ ಪ್ರಕಟವಾಗುವುದೋ; ತನ್ನ ಪತಿಯೊಂದಿಗೆ ರಜತಾದ್ರಿ (ಕೈಲಾಸ)ದ ಮೇಲೆ ನೆಲೆಸುವ ಆ ಕಮಲನಯನ ಮಾತೆ ಗೌರಿಯನ್ನು ನಾನು ಸ್ತುತಿಸುತ್ತೇನೆ.

यस्यामोतं प्रोतमशेषं मणिमाला- सूत्रे यद्वत्क्वापि चरं चाप्यचरं च । तां सर्वज्ञां सर्वगतां सत्यविरूपां गौरीमम्बामम्बुरुहाक्षीमहमीडे ॥ ८॥

yasyāmotaṃ protamaśeṣaṃ maṇimālā- sūtre yadvatkvāpi caraṃ cāpyacaraṃ ca | tāṃ sarvajñāṃ sarvagatāṃ satyavirūpāṃ gaurīmambāmamburuhākṣīmahamīḍe || 8||

8. ಒಂದು ಸೂತ್ರದಲ್ಲಿ ಮಣಿಮಾಲೆ ಪೋಣಿಸಿದಂತೆ, ಯಾರಲ್ಲಿ ಸಮಸ್ತ ಚರ-ಅಚರಗಳು ಓತಪ್ರೋತವಾಗಿವೆಯೋ; ಸರ್ವಜ್ಞೆ, ಸರ್ವವ್ಯಾಪಿನಿ, ಸತ್ಯಸ್ವರೂಪಿಣಿಯಾದ ಆ ಕಮಲನಯನ ಮಾತೆ ಗೌರಿಯನ್ನು ನಾನು ಸ್ತುತಿಸುತ್ತೇನೆ.

नानाकारैः शक्तिकदम्बैर्भुवनानि व्याप्य स्वैरं क्रीडति यैषा स्वयमेका । कल्याणीं तां कल्पलतामानतिभाजां गौरीमम्बामम्बुरुहाक्षीमहमीडे ॥ ९॥

nānākāraiḥ śaktikadambairbhuvanāni vyāpya svairaṃ krīḍati yaiṣā svayamekā | kalyāṇīṃ tāṃ kalpalatāmānatibhājāṃ gaurīmambāmamburuhākṣīmahamīḍe || 9||

9. ಏಕಾಂಗಿಯಾಗಿ, ಏಕಳಾಗಿದ್ದರೂ ವಿವಿಧ ಶಕ್ತಿಸಮೂಹಗಳಿಂದ ಸಮಸ್ತ ಭುವನಗಳನ್ನು ವ್ಯಾಪಿಸಿ ಸ್ವೇಚ್ಛೆಯಿಂದ ಕ್ರೀಡಿಸುವ; ಕಲ್ಯಾಣಿಯಾದ, ನಮಸ್ಕರಿಸುವವರಿಗೆ ಕಲ್ಪಲತೆಯಂತಹ ಆ ಕಮಲನಯನ ಮಾತೆ ಗೌರಿಯನ್ನು ನಾನು ಸ್ತುತಿಸುತ್ತೇನೆ.

आशापाशक्लेशविनाशं विदधानां पादाम्भोजध्यानपराणां पुरुषाणाम् । ईशामीशार्धाङ्गहरां तामभिरामां गौरीमम्बामम्बुरुहाक्षीमहमीडे ॥ १०॥

āśāpāśakleśavināśaṃ vidadhānāṃ pādāmbhojadhyānaparāṇāṃ puruṣāṇām | īśāmīśārdhāṅgaharāṃ tāmabhirāmāṃ gaurīmambāmamburuhākṣīmahamīḍe || 10||

10. ತನ್ನ ಚರಣಕಮಲದ ಧ್ಯಾನದಲ್ಲಿ ನಿಮಗ್ನರಾದ ಪುರುಷರ ಆಶಾ-ಪಾಶ ರೂಪ ಕ್ಲೇಶವನ್ನು ನಾಶಮಾಡುವ; ಈಶ್ವರಿಯಾದ, ಶಿವನ ಅರ್ಧಾಂಗವನ್ನು ಧರಿಸುವ (ಅರ್ಧನಾರೀಶ್ವರ ರೂಪ) ಆ ಸುಂದರ ಕಮಲನಯನ ಮಾತೆ ಗೌರಿಯನ್ನು ನಾನು ಸ್ತುತಿಸುತ್ತೇನೆ.

प्रातःकाले भावविशुद्धः प्रणिधानात् भक्त्या नित्यं जल्पति गौरीदशकं यः । वाचां सिद्धिं सम्पदमग्र्यां शिवभक्तिं तस्य प्रयच्छत्यचिरान्मातृसमेता ॥ ११॥

prātaḥkāle bhāvaviśuddhaḥ praṇidhānāt bhaktyā nityaṃ jalpati gaurīdaśakaṃ yaḥ | vācāṃ siddhiṃ sampadamagryāṃ śivabhaktiṃ tasya prayacchatyacirānmātṛsametā || 11||

11. ಶುದ್ಧ ಭಾವದಿಂದ ಪ್ರಾತಃಕಾಲದಲ್ಲಿ ನಿತ್ಯ ಭಕ್ತಿ-ಪ್ರಣಿಧಾನದಿಂದ ಈ ಗೌರೀದಶಕವನ್ನು ಪಠಿಸುವವನಿಗೆ, ಮಾತೆ (ಸ್ವಾಮಿ ಸಹಿತ) ಶೀಘ್ರವಾಗಿ ವಾಕ್-ಸಿದ್ಧಿ, ಶ್ರೇಷ್ಠ ಸಂಪತ್ತು, ಶಿವಭಕ್ತಿಯನ್ನು ಪ್ರಸಾದಿಸುತ್ತಾಳೆ.