ஆஞ்சநேய மங்களாஷ்டகம் PDF

कपिश्रेष्ठाय शूराय सुग्रीवप्रियमन्त्रिणे । जानकीशोकनाशाय आञ्जनेयाय मङ्गलम् ॥ १॥ मनोवेगाय उग्राय कालनेमिविदारिणे । लक्ष्मणप्राणदात्रे च आञ्जनेयाय मङ्गलम् ॥ २॥ महाबलाय शान्ताय दुर्दण्डीबन्धमोचन । मैरावणविनाशाय आञ्जनेयाय मङ्गलम् ॥ ३॥ पर्वतायुधहस्ताय राक्षःकुलविनाशिने । श्रीरामपादभक्ताय आञ्जनेयाय मङ्गलम् ॥ ४॥ विरक्ताय सुशीलाय रुद्रमूर्तिस्वरूपिणे । ऋषिभिस्सेवितायास्तु आञ्जनेयाय मङ्गलम् ॥ ५॥ दीर्घबालाय कालाय लङ्कापुरविदारिणे । लङ्कीणीदर्पनाशाय आञ्जनेयाय मङ्गलम् ॥ ६॥ नमस्तेऽस्तु ब्रह्मचारिन् नमस्ते वायुनन्दन । नमस्ते ब्रह्मचर्याय नमस्ते गानलोलाय आञ्जनेयाय मङ्गलम् ॥ ७॥ प्रभवाय सुरेशाय शुभदाय शुभात्मने । वायुपुत्राय धीराय आञ्जनेयाय मङ्गलम् ॥ ८॥ आञ्जनेयाष्टकमिदं यः पठेत्सततं नरः । सिद्ध्यन्ति सर्वकार्याणि सर्वशत्रुविनाशनम् ॥ ९॥ इति श्रीआञ्जनेयमङ्गलाष्टकं सम्पूर्णम् ।

kapiśreṣṭhāya śūrāya sugrīvapriyamantriṇe | jānakīśokanāśāya āñjaneyāya maṅgalam || 1|| manovegāya ugrāya kālanemividāriṇe | lakṣmaṇaprāṇadātre ca āñjaneyāya maṅgalam || 2|| mahābalāya śāntāya durdaṇḍībandhamocana | mairāvaṇavināśāya āñjaneyāya maṅgalam || 3|| parvatāyudhahastāya rākṣaḥkulavināśine | śrīrāmapādabhaktāya āñjaneyāya maṅgalam || 4|| viraktāya suśīlāya rudramūrtisvarūpiṇe | ṛṣibhissevitāyāstu āñjaneyāya maṅgalam || 5|| dīrghabālāya kālāya laṅkāpuravidāriṇe | laṅkīṇīdarpanāśāya āñjaneyāya maṅgalam || 6|| namaste'stu brahmacārin namaste vāyunandana | namaste brahmacaryāya namaste gānalolāya āñjaneyāya maṅgalam || 7|| prabhavāya sureśāya śubhadāya śubhātmane | vāyuputrāya dhīrāya āñjaneyāya maṅgalam || 8|| āñjaneyāṣṭakamidaṃ yaḥ paṭhetsatataṃ naraḥ | siddhyanti sarvakāryāṇi sarvaśatruvināśanam || 9|| iti śrīāñjaneyamaṅgalāṣṭakaṃ sampūrṇam |

ஆஞ்சநேயரின் (அனுமனின்) எட்டு பாடல்களைக் கொண்ட 'மங்கள' (மங்கலத்தின் ஆசீர்வாதம்) துதி — வானரர்களில் சிறந்தவர், வீரர், சுக்ரீவனின் அன்புக்குரிய மந்திரி, ராமனின் பக்த தூதர் — இது நலன் வேண்டி ஆசீர்வாதம் கோருகிறது.