గాయత్రీ కవచం Meaning — Line by Line

अस्य श्रीगायत्रीकवचस्य ब्रह्मविष्णुमहेश्वरा ऋषयः। ऋग्यजुःसामाथर्वाणि छन्दांसि। परब्रह्मस्वरूपिणी गायत्री देवता। तद्बीजम्। भर्गः शक्तिः। धियः कीलकम्। मोक्षार्थे जपे विनियोगः॥

ॐ तत्सवितुर्ब्रह्मात्मने हृदयाय नमः। ॐ वरेण्यं विष्ण्वात्मने शिरसे स्वाहा। ॐ भर्गोदेवस्य रुद्रात्मने शिखायै वषट्। ॐ धीमहि ईश्वरात्मने कवचाय हुम्। ॐ धियो यो नः सदाशिवात्मने नेत्रत्रयाय वौषट्। ॐ प्रचोदयात् परब्रह्मतत्त्वात्मने अस्त्राय फट्॥

ध्यानम् — मुक्ताविद्रुमहेमनीलधवलच्छायैर्मुखैस्त्रीक्षणैः युक्तामिन्दुनिबद्धरत्नमकुटां तत्त्वार्थवर्णात्मिकाम्। गायत्रीं वरदाभयाङ्कुशकशाः शुभ्रं कपालं गदां शङ्खं चक्रमथारविन्दयुगलं हस्तैर्वहन्तीं भजे॥

नारायण उवाच — गायत्री पूर्वतः पातु सावित्री पातु दक्षिणे। ब्रह्मसन्ध्या तु मे पश्चादुत्तरस्यां सरस्वती॥

पार्वती मे दिशं रक्षेद्वारुणीं वायुगोचराम्। ऊर्ध्वं ब्रह्माणि मे रक्षेदधस्ताद्वैष्णवी सदा॥

एवं दश दिशो रक्षेत्सर्वदा भुवनेश्वरी। रक्षाहीनं तु यत्स्थानं वर्जितं कवचेन तु॥

तत्सर्वं रक्ष मे देवि गायत्री वेदमातृका। इदं तु कवचं दिव्यं सर्वपापविनाशनम्॥

यो धारयेद्भक्तियुक्तो विद्यावान् स महायशाः। त्रिकालं यः पठेन्नित्यं श्रद्धया च समन्वितः॥

सर्वान्कामानवाप्नोति गायत्र्याः प्रसादतः। मोक्षं च लभते मर्त्यो वेदमातुः प्रसादतः॥