শ্রী ভগবদ্ধ্যানসোপানম্ — Complete Lyrics
श्री भगवद्ध्यानसोपानम्
Sanskrit text with English transliteration and translation
Verse 1
अन्तर्ज्योतिः किमपि यमिनामञ्जनं योगदृष्टे-
श्चिन्तारत्नं सुलभमिह नः सिद्धिमोक्षानुरूपम् ।
दीनानाथव्यसनशमनं दैवतं दैवतानां
दिव्यं चक्षुः श्रुतिपरिषदां दृश्यते रङ्गमध्ये ॥ १ ॥
antarjyotiḥ kimapi yaminām añjanaṃ yogadṛṣṭe-
ścintāratnaṃ sulabhamiha naḥ siddhimokṣānurūpam |
dīnānāthavyasanaśamanaṃ daivataṃ daivatānāṃ
divyaṃ cakṣuḥ śrutipariṣadāṃ dṛśyate raṅgamadhye || 1 ||
সেখানে, শ্রীরঙ্গমের মধ্যে দর্শন হয় — কোনো অনির্বচনীয় অন্তর্জ্যোতির, যা যমী (সংযমী) মুনিদের যোগদৃষ্টির অঞ্জন, যা এখানে আমাদের সুলভ চিন্তামণি এবং সিদ্ধি ও মোক্ষ উভয়ের অনুরূপ, যা দীন-অনাথদের দুঃখের শমনকারী, দেবদেরও দেব এবং শ্রুতি-পরিষদের দিব্য নেত্র। (1)
Verse 2
वेदातीतश्रुतिपरिमलं वेधसां मौलिसेव्यं
प्रादुर्भूतं कनकसरितः सैकते हंसजुष्टे ।
लक्ष्मीभूम्योः करसरसिजैर्लालितं रङ्गभर्तुः
पादाम्भोजं प्रतिफलति मे भावनादीर्घिकायाम् ॥ २ ॥
vedātītaśrutiparimalaṃ vedhasāṃ maulisevyaṃ
prādurbhūtaṃ kanakasaritaḥ saikate haṃsajuṣṭe |
lakṣmībhūmyoḥ karasarasijairlālitaṃ raṅgabhartuḥ
pādāmbhojaṃ pratiphalati me bhāvanādīrghikāyām || 2 ||
আমার ভাবনা-রূপ দীর্ঘিকা (সরোবর) তে শ্রীরঙ্গনাথের চরণ-কমল প্রতিফলিত হয় — যা বেদেরও অতীত সুগন্ধ ও বেদের পরিমল-স্বরূপ, ব্রহ্মাদির মুকুট দ্বারা সেব্য, স্বর্ণ-সরিতা (কাবেরী) র হংস-সেবিত পুলিনে প্রাদুর্ভূত, এবং লক্ষ্মী ও ভূমির কর-কমল দ্বারা লালিত। (2)
Verse 3
चित्राकारां कटकरुचिभिश्चारुवृत्तानुपूर्वां
काले दूत्यद्रुततरगतिं कान्तिलीलाकलाचीम् ।
जानुच्छायाद्विगुणसुभगां रङ्गभर्तुर्मदात्मा
जङ्घां दृष्ट्वा जननपदवीजाङ्घिकत्वं जहाति ॥ ३ ॥
citrākārāṃ kaṭakarucibhiścāruvṛttānupūrvāṃ
kāle dūtyadrutataragatiṃ kāntilīlākalācīm |
jānucchāyādviguṇasubhagāṃ raṅgabharturmadātmā
jaṅghāṃ dṛṣṭvā jananapadavījāṅghikatvaṃ jahāti || 3 ||
রঙ্গনাথের জঙ্ঘা দেখে — যা বিচিত্র আকৃতির, সুন্দর-বৃত্ত ও ক্রমশ সরু, সময়ে দূত-সম দ্রুতগামী, কান্তি ও লীলায় কলিত, এবং হাঁটুর আভায় দ্বিগুণ সুভগ — আমার মুগ্ধ মন জন্ম-পথে ভ্রমণের স্বভাব ত্যাগ করে। (3)
Verse 4
कामारामस्थिरकदलिकास्तम्भसम्भावनीयं
क्षौमाश्लिष्टं किमपि कमलाभूमिनीलोपधानम् ।
न्यञ्चत्काञ्चीकिरणरुचिरं निर्विशत्यूरुयुग्मं
लावण्यौघद्वयमिव मतिर्मामिका रङ्गयूनः ॥ ४ ॥
kāmārāmasthirakadalikāstambhasambhāvanīyaṃ
kṣaumāśliṣṭaṃ kimapi kamalābhūminīlopadhānam |
nyañcatkāñcīkiraṇaruciraṃ nirviśatyūruyugmaṃ
lāvaṇyaughadvayamiva matirmāmikā raṅgayūnaḥ || 4 ||
আমার বুদ্ধি যুব রঙ্গনাথের ঊরু-যুগলে প্রবেশ করে — যা কামের উদ্যানের স্থির কদলী-স্তম্ভ সম সম্ভাবনীয়, ক্ষৌম (রেশম) দ্বারা আবৃত, লক্ষ্মীর জন্য অনির্বচনীয় নীল উপধান (বালিশ), এবং নিচে ঝরা মেখলার কিরণে রুচির — যেন দুই লাবণ্য-ধারায়। (4)
Verse 5
सम्प्रीणाति प्रतिकलमसौ मानसं मे सुजाता
गम्भीरत्वात्क्वचन समये गूढनिक्षिप्तविश्वा ।
नालीकेन स्फुरितरजसा वेधसो निर्मिमाणा
रम्यावर्तद्युतिसहचरी रङ्गनाथस्य नाभिः ॥ ५ ॥
samprīṇāti pratikalamasau mānasaṃ me sujātā
gambhīratvātkvacana samaye gūḍhanikṣiptaviśvā |
nālīkena sphuritarajasā vedhaso nirmimāṇā
ramyāvartadyutisahacarī raṅganāthasya nābhiḥ || 5 ||
প্রতি ক্ষণ রঙ্গনাথের সুজাত নাভি আমার মানসকে আনন্দিত করে — যা এত গম্ভীর যে প্রলয়কালে সমস্ত বিশ্বকে গূঢ়রূপে নিজের মধ্যে রেখে দেয়, যা বিকশিত পরাগযুক্ত কমল দিয়ে ব্রহ্মার নির্মাণ করে, এবং রম্য আবর্তের দ্যুতির সহচরী। (5)
Verse 6
श्रीवत्सेन प्रथितविभवं श्रीपदन्यासधन्यं
मध्यं बाह्वोर्मणिवररुचा रञ्जितं रङ्गधाम्नः ।
सान्द्रच्छायं तरुणतुलसीचित्रया वैजयन्त्या
सन्तापं मे शमयति धियश्चन्द्रिकोदारहारम् ॥ ६ ॥
śrīvatsena prathitavibhavaṃ śrīpadanyāsadhanyaṃ
madhyaṃ bāhvormaṇivararucā rañjitaṃ raṅgadhāmnaḥ |
sāndracchāyaṃ taruṇatulasīcitrayā vaijayantyā
santāpaṃ me śamayati dhiyaścandrikodārahāram || 6 ||
রঙ্গধামের মধ্য ভাগ (কটি) — যা শ্রীবৎস দ্বারা বিভব-প্রসিদ্ধ, শ্রীর চরণ-ন্যাস দ্বারা ধন্য, ভুজার মধ্যে শ্রেষ্ঠ মণির আভায় রঞ্জিত, তাজা তুলসী দিয়ে বিচিত্র বৈজয়ন্তী মালায় সান্দ্র-ছায়াযুক্ত, এবং চন্দ্রিকা-সম উদার হারে যুক্ত — আমার মনের সন্তাপের শমন করে। (6)
Verse 7
एकं लीलोपहितमितरं बाहुमाजानुलम्बं
प्राप्तौ रङ्गे शयितुरखिलप्रार्थनापारिजातम् ।
दृप्ता सेयं दृढनियमिता रश्मिभिर्भूषणानां
चिन्ताहस्तिन्यनुभवति मे चित्रमालानयन्त्रम् ॥ ७ ॥
ekaṃ līlopahitamitaraṃ bāhumājānulambaṃ
prāptau raṅge śayiturakhilaprārthanāpārijātam |
dṛptā seyaṃ dṛḍhaniyamitā raśmibhirbhūṣaṇānāṃ
cintāhastinyanubhavati me citramālānayantram || 7 ||
শয়নরত রঙ্গনাথের দুই ভুজা — একটি লীলায় রাখা, অন্যটি হাঁটু পর্যন্ত লম্বিত, সমস্ত প্রার্থনা পূর্ণকারী পারিজাত — গর্বিত হয়েও আভরণের কিরণে দৃঢ়ভাবে বাঁধা; আমার চিন্তা-রূপ হস্তিনী তাদের বিচিত্র আলান-স্তম্ভ রূপে অনুভব করে। (7)
Verse 8
साभिप्रायस्मितविकसितं चारुबिम्बाधरोष्ठं
दुःखापायप्रणयिनि जने दूरदत्ताभिमुख्यम् ।
कान्तं वक्त्रं कनकतिलकालङ्कृतं रङ्गभर्तुः
स्वान्ते गाढं विलगति मम स्वागतोदारनेत्रम् ॥ ८ ॥
sābhiprāyasmitavikasitaṃ cārubimbādharoṣṭhaṃ
duḥkhāpāyapraṇayini jane dūradattābhimukhyam |
kāntaṃ vaktraṃ kanakatilakālaṅkṛtaṃ raṅgabhartuḥ
svānte gāḍhaṃ vilagati mama svāgatodāranetram || 8 ||
রঙ্গনাথের কান্ত মুখ — সার্থক হাসিতে বিকশিত, সুন্দর বিম্ব-সম অধরোষ্ঠযুক্ত, দূর থেকেই দুঃখী ভক্তের দিকে অভিমুখ, স্বর্ণ-তিলকে অলংকৃত — নিজের স্বাগতপূর্ণ উদার নেত্র সহ আমার হৃদয়ে গাঢ়ভাবে লেগে যায়। (8)
Verse 9
माल्यैरन्तःस्थिरपरिमलैर्वल्लभास्पर्शमान्यैः
कुप्यच्चोलीवचनकुटिलैः कुन्तलैः श्लिष्टमूले ।
रत्नापीडद्युतिशबलिते रङ्गभर्तुः किरीटे
राजन्वत्यः स्थितिमधिगता वृत्तयश्चेतसो मे ॥ ९ ॥
mālyairantaḥsthiraparimalairvallabhāsparśamānyaiḥ
kupyaccolīvacanakuṭilaiḥ kuntalaiḥ śliṣṭamūle |
ratnāpīḍadyutiśabalite raṅgabhartuḥ kirīṭe
rājanvatyaḥ sthitimadhigatā vṛttayaścetaso me || 9 ||
রঙ্গনাথের কিরীটে — যার মূল তাঁর কুন্তল (কেশ) দ্বারা বেষ্টিত, এবং যা রত্নাপীড়ের দ্যুতিতে শবল — আমার চিত্তের বৃত্তিগুলি রাজন্বতী (সুশাসিত) হয়ে স্থিতি প্রাপ্ত হয়েছে। (9)
Verse 10
पादाम्भोजं स्पृशति भजते रङ्गनाथस्य जङ्घा-
मूरुद्वन्द्वे विलगति शनैरूर्ध्वमभ्येति नाभिम् ।
वक्षस्यास्ते वलति भुजयोर्मामिकेयं मनीषा
वक्त्राभिख्यां पिबति वहते वासनां मौलिबन्धे ॥ १० ॥
pādāmbhojaṃ spṛśati bhajate raṅganāthasya jaṅghā-
mūrudvandve vilagati śanairūrdhvamabhyeti nābhim |
vakṣasyāste valati bhujayormāmikeyaṃ manīṣā
vaktrābhikhyāṃ pibati vahate vāsanāṃ maulibandhe || 10 ||
আমার এই বুদ্ধি রঙ্গনাথের চরণ-কমল স্পর্শ ও সেবন করে, জঙ্ঘা ও ঊরু-যুগলে লাগে, ধীরে ধীরে উপরে নাভি পর্যন্ত যায়, বক্ষে স্থির হয়, ভুজায় বিচরণ করে, মুখের শোভা পান করে, এবং কিরীট-বন্ধে বাসনা (অনুরাগ) ধারণ করে। (10)
Verse 11
कान्तोदाररयैरिह भुजैः कङ्कणज्याकिणाङ्कै-
र्लक्ष्मीधाम्नः पृथुलपरिघैर्लक्षिता भीतिहेतिः ।
अग्रे किञ्चिद्भुजगशयनः स्वात्मनैवात्मनः सन्
मध्येरङ्गं मम च हृदये वर्तते सावरोधः ॥ ११ ॥
kāntodāararayairiha bhujaiḥ kaṅkaṇajyākiṇāṅkai-
rlakṣmīdhāmnaḥ pṛthulaparighairlakṣitā bhītihetiḥ |
agre kiñcidbhujagaśayanaḥ svātmanaivātmanaḥ san
madhyeraṅgaṃ mama ca hṛdaye vartate sāvarodhaḥ || 11 ||
এখানে সর্পশায়ী ভগবান বিরাজমান — তাঁর ভুজা কান্ত, উদার-বেগযুক্ত, জ্যা (ধনুক-দড়ি) র কিণাঙ্ক (কড়া) দ্বারা চিহ্নিত, লক্ষ্মী-ধামের বিশাল অর্গল-সম, এবং ভয় থেকে রক্ষাকারী আয়ুধ-স্বরূপ; নিজের আত্মা দ্বারাই নিজের জন্য বিদ্যমান তিনি শ্রীরঙ্গমের মধ্যে, এবং এখন নিজ পরিবার সহ আমার হৃদয়েও, বাস করেন। (11)
Verse 12
रङ्गास्थाने रसिकमहिते रञ्जिताशेषचित्ते
विद्वत्सेवाविमलमनसा वेङ्कटेशेन कॢप्तम् ।
अक्लेशेन प्रणिहितधियामारुरुक्षोरवस्थां
भक्तिं गाढां दिशतु भगवद्ध्यानसोपानमेतत् ॥ १२ ॥
raṅgāsthāne rasikamahite rañjitāśeṣacitte
vidvatsevāvimalamanasā veṅkaṭeśena kḷptam |
aktleśena praṇihitadhiyāmārurukṣoravasthāṃ
bhaktiṃ gāḍhāṃ diśatu bhagavaddhyānasopānametat || 12 ||
এই ভগবদ্ধ্যানসোপানম্ — যা বিদ্বানদের সেবায় বিমল-মন বেঙ্কটেশ (বেদান্ত দেশিক) শ্রীরঙ্গমের রসিক-পূজিত, সমস্ত চিত্ত রঞ্জনকারী স্থানে রচনা করলেন — সেই প্রণিহিত-বুদ্ধিদের, যারা সেই অবস্থা পর্যন্ত উঠতে চায়, অনায়াসেই গাঢ় ভক্তি প্রদান করুক। (12)
Verse 13
॥ इति श्रीमद्वेङ्कटेशार्यप्रणीतं भगवद्ध्यानसोपानं सम्पूर्णम् ॥
|| iti śrīmadveṅkaṭeśāryapraṇītaṃ bhagavaddhyānasopānaṃ sampūrṇam ||
এইভাবে শ্রীমদ্ বেঙ্কটেশার্য (বেদান্ত দেশিক) রচিত ভগবদ্ধ্যানসোপানম্ সম্পূর্ণ হলো।
Want to understand every word?
Read Word-by-Word Meaning →