শ্রীভুবনেশ্বর্যষ্টকম্ (ভুবনেশ্বরী স্তোত্রম্) PDF

श्रीदेव्युवाच - प्रभो श्रीभैरवश्रेष्ठ दयालो भक्तवत्सल। भुवनेशीस्तवं ब्रूहि यद्यहं तव वल्लभा॥१॥

Śrīdevyuvāca - Prabho śrībhairavaśreṣṭha dayālo bhaktavatsala। bhuvaneśīstavaṁ brūhi yady ahaṁ tava vallabhā॥1॥

দেবী বললেন — হে প্রভু! ভৈরবশ্রেষ্ঠ! হে দয়ালু, ভক্তবৎসল! আমি যদি তোমার প্রিয়া হই, তবে ভুবনেশ্বরীর স্তব বলো।

ईश्वर उवाच - श‍ृणु देवि प्रवक्ष्यामि भुवनेश्यष्टकं शुभम्। येन विज्ञातमात्रेण त्रैलोक्यमङ्गलं भवेत्॥२॥

Īśvara uvāca - Śṛṇu devi pravakṣyāmi bhuvaneśyaṣṭakaṁ śubham। yena vijñātamātreṇa trailokyamaṅgalaṁ bhavet॥2॥

ঈশ্বর বললেন — হে দেবী! শোনো, শুভ ভুবনেশ্যষ্টক বলছি, যা জানা মাত্রেই ত্রৈলোক্যের মঙ্গল হয়।

ॐ नमामि जगदाधारां भुवनेशीं भवप्रियाम्। भुक्तिमुक्तिप्रदां रम्यां रमणीयां शुभावहाम्॥३॥

Oṁ namāmi jagadādhārāṁ bhuvaneśīṁ bhavapriyām। bhuktimuktipradāṁ ramyāṁ ramaṇīyāṁ śubhāvahām॥3॥

ওঁ। জগতের আধার, ভবপ্রিয়া, ভুক্তি-মুক্তি প্রদানকারিণী, রম্যা, রমণীয়া ও শুভদায়িনী ভুবনেশ্বরীকে আমি প্রণাম করি।

त्वं स्वाहा त्वं स्वधा देवि त्वं यज्ञा यज्ञनायिका। त्वं नाथा त्वं तमोहर्त्री व्याप्यव्यापकवर्जिता॥४॥

Tvaṁ svāhā tvaṁ svadhā devi tvaṁ yajñā yajñanāyikā। tvaṁ nāthā tvaṁ tamohartrī vyāpyavyāpakavarjitā॥4॥

হে দেবী! তুমি স্বাহা, তুমি স্বধা; তুমি যজ্ঞ ও যজ্ঞের নায়িকা; তুমি নাথ, তমোহর্ত্রী, ব্যাপ্য-ব্যাপক থেকে রহিত।

त्वमाधारस्त्वमिज्या च ज्ञानज्ञेयं परं पदम्। त्वं शिवस्त्वं स्वयं विष्णुस्त्वमात्मा परमोऽव्ययः॥५॥

Tvam ādhāras tvam ijyā ca jñānajñeyaṁ paraṁ padam। tvaṁ śivas tvaṁ svayaṁ viṣṇus tvam ātmā paramo'vyayaḥ॥5॥

তুমি আধার এবং তুমি ইজ্যা (পূজা); তুমি জ্ঞান, জ্ঞেয় ও পরম পদ; তুমি শিব, তুমি স্বয়ং বিষ্ণু, তুমি পরম অব্যয় আত্মা।

त्वं कारणं च कार्यं च लक्ष्मीस्त्वं च हुताशनः। त्वं सोमस्त्वं रविः कालस्त्वं धाता त्वं च मारुतः॥६॥

Tvaṁ kāraṇaṁ ca kāryaṁ ca lakṣmīs tvaṁ ca hutāśanaḥ। tvaṁ somas tvaṁ raviḥ kālas tvaṁ dhātā tvaṁ ca mārutaḥ॥6॥

তুমি কারণ ও কার্য উভয়; তুমি লক্ষ্মী এবং তুমি হুতাশন (অগ্নি); তুমি সোম, রবি ও কাল; তুমি ধাতা ও মারুত (বায়ু)।

गायत्री त्वं च सावित्री त्वं माया त्वं हरिप्रिया। त्वमेवैका पराशक्तिस्त्वमेव गुरुरूपधृक्॥७॥

Gāyatrī tvaṁ ca sāvitrī tvaṁ māyā tvaṁ haripriyā। tvam evaikā parāśaktis tvam eva gururūpadhṛk॥7॥

তুমি গায়ত্রী ও সাবিত্রী; তুমি মায়া ও হরিপ্রিয়া; তুমিই একমাত্র পরাশক্তি; তুমিই গুরুর রূপ ধারণ করো।

त्वं काला त्वं कलातीता त्वमेव जगतां श्रियः। त्वं सर्वकार्यं सर्वस्य कारणं करुणामयि॥८॥

Tvaṁ kālā tvaṁ kalātītā tvam eva jagatāṁ śriyaḥ। tvaṁ sarvakāryaṁ sarvasya kāraṇaṁ karuṇāmayi॥8॥

তুমি কাল এবং কালের অতীতও; তুমিই জগতের শ্রী (শোভা); হে করুণাময়ী! তুমিই সর্ব কার্য এবং সর্বের কারণ।

इदमष्टकमाद्याया भुवनेश्या वरानने। त्रिसन्ध्यं श्रद्धया मर्त्यो यः पठेत् प्रीतमानसः॥९॥

Idam aṣṭakam ādyāyā bhuvaneśyā varānane। trisandhyaṁ śraddhayā martyo yaḥ paṭhet prītamānasaḥ॥9॥

হে বরাননে! এই আদ্যা ভুবনেশ্বরীর অষ্টক। যে মানুষ শ্রদ্ধা ও প্রসন্ন মনে এটি ত্রিকাল পাঠ করে, তার বশে সিদ্ধিসমূহ আসে, ঘরে সম্পদ বশে থাকে, এবং এই স্তোত্রের প্রভাবে রাজারাও বশে আসেন। ভূত, প্রেত, পিশাচ প্রভৃতি এবং গ্রহ তার দিকে তাকায়ও না। সাধক যে যে কামনা করে, ভুবনেশ্বরীর কৃপায় তা লাভ করে। এর সমান কোনো স্তোত্র ত্রিভুবনে নেই; এটি সর্ব সম্পদ প্রদানকারী এবং পবিত্রদেরও পবিত্রকারী। হে বরাননে! এই শ্রেষ্ঠ স্তোত্র সিদ্ধ হলে ভুবনেশ্বরীর কৃপায় সম্পদসমূহ বশে আসে।

सिद्धयो वशगास्तस्य सम्पदो वशगा गृहे। राजानो वशमायान्ति स्तोत्रस्यास्य प्रभावतः॥१०॥

Siddhayo vaśagās tasya sampado vaśagā gṛhe। rājāno vaśam āyānti stotrasyāsya prabhāvataḥ॥10॥

भूतप्रेतपिशाचाद्या नेक्षन्ते तां दिशं ग्रहाः। यं यं कामं प्रवाञ्छेत साधकः प्रीतमानसः॥११॥

Bhūtapretapiśācādyā nekṣante tāṁ diśaṁ grahāḥ। yaṁ yaṁ kāmaṁ pravāñcheta sādhakaḥ prītamānasaḥ॥11॥

तं तमाप्नोति कृपया भुवनेश्या वरानने। अनेन सदृशं स्तोत्रं न समं भुवनत्रये॥१२॥

Taṁ tam āpnoti kṛpayā bhuvaneśyā varānane। anena sadṛśaṁ stotraṁ na samaṁ bhuvanatraye॥12॥

सर्वसम्पत्प्रदमिदं पावनानां च पावनम्। अनेन स्तोत्रवर्येण साधितेन वरानने। सम्पदो वशमायान्ति भुवनेश्याः प्रसादतः॥१३॥

Sarvasampatpradam idaṁ pāvanānāṁ ca pāvanam। anena stotravaryeṇa sādhitena varānane। sampado vaśam āyānti bhuvaneśyāḥ prasādataḥ॥13॥