അച്യുതാഷ്ടകം PDF

अच्युताच्युत हरे परमात्मन् राम कृष्ण पुरुषोत्तम विष्णो । वासुदेव भगवन्ननिरुद्ध श्रीपते शमय दुःखमशेषम् ॥ १॥ विश्वमङ्गल विभो जगदीश नन्दनन्दन नृसिंह नरेन्द्र । मुक्तिदायक मुकुन्द मुरारे श्रीपते शमय दुःखमशेषम् ॥ २॥ रामचन्द्र रघुनायक देव दीननाथ दुरितक्षयकारिन् । यादवेद्र यदुभूषण यज्ञ श्रीपते शमय दुःखमशेषम् ॥ ३॥ देवकीतनय दुःखदवाग्ने राधिकारमण रम्यसुमूर्ते । दुःखमोचन दयार्णवनाथ श्रीपते शमय दुःखमशेषम् ॥ ४॥ गोपिकावदनचन्द्रचकोर नित्य निर्गुण निरञ्जन जिष्णो । पूर्णरूप जय शङ्कर सर्व श्रीपते शमय दुःखमशेषम् ॥ ५॥ गोकुलेश गिरिधारण धीर यामुनाच्छतटखेलनवीर । नारदादिमुनिवन्दितपाद श्रीपते शमय दुःखमशेषम् ॥ ६॥ द्वारकाधिप दुरन्तगुणाब्धे प्राणनाथ परिपूर्ण भवारे । ज्ञानगम्य गुणसागर ब्रह्मन् श्रीपते शमय दुःखमशेषम् ॥ ७॥ दुष्टनिर्दलन देव दयालो पद्मनाभ धरणीधरधारिन् । रावणान्तक रमेश मुरारे श्रीपते शमय दुःखमशेषम् ॥ ८॥ अच्युताष्टकमिदं रमणीयं निर्मितं भवभयं विनिहन्तुम् । यः पठेद्विषयवृत्तिनिवृत्तिर्जन्मदुःखमखिलं स जहाति ॥ ९॥ इति श्रीशङ्करभगवत्पादकृतम् अच्युताष्टकं ३ सम्पूर्णम् ।

acyutācyuta hare paramātman rāma kṛṣṇa puruṣottama viṣṇo | vāsudeva bhagavannaniruddha śrīpate śamaya duḥkhamaśeṣam || 1|| viśvamaṅgala vibho jagadīśa nandanandana nṛsiṃha narendra | muktidāyaka mukunda murāre śrīpate śamaya duḥkhamaśeṣam || 2|| rāmacandra raghunāyaka deva dīnanātha duritakṣayakārin | yādavedra yadubhūṣaṇa yajña śrīpate śamaya duḥkhamaśeṣam || 3|| devakītanaya duḥkhadavāgne rādhikāramaṇa ramyasumūrte | duḥkhamocana dayārṇavanātha śrīpate śamaya duḥkhamaśeṣam || 4|| gopikāvadanacandracakora nitya nirguṇa nirañjana jiṣṇo | pūrṇarūpa jaya śaṅkara sarva śrīpate śamaya duḥkhamaśeṣam || 5|| gokuleśa giridhāraṇa dhīra yāmunācchataṭakhelanavīra | nāradādimunivanditapāda śrīpate śamaya duḥkhamaśeṣam || 6|| dvārakādhipa durantaguṇābdhe prāṇanātha paripūrṇa bhavāre | jñānagamya guṇasāgara brahman śrīpate śamaya duḥkhamaśeṣam || 7|| duṣṭanirdalana deva dayālo padmanābha dharaṇīdharadhārin | rāvaṇāntaka rameśa murāre śrīpate śamaya duḥkhamaśeṣam || 8|| acyutāṣṭakamidaṃ ramaṇīyaṃ nirmitaṃ bhavabhayaṃ vinihantum | yaḥ paṭhedviṣayavṛttinivṛttirjanmaduḥkhamakhilaṃ sa jahāti || 9|| iti śrīśaṅkarabhagavatpādakṛtam acyutāṣṭakaṃ 3 sampūrṇam |

അച്യുത — അവിനാശിയായ ഭഗവാൻ വിഷ്ണു/കൃഷ്ണനെ — ആദി ശങ്കരാചാര്യർ രചിച്ച എട്ട് ശ്ലോകങ്ങളുടെ സ്തുതി, ഇത് ഭഗവാന്റെ നാമങ്ങളുടെ ഒഴുകുന്ന മാലയാണ്: അച്യുത, കേശവ, രാമ, നാരായണ, കൃഷ്ണ, ദാമോദര തുടങ്ങിയവ. ഓരോ ശ്ലോകവും 'ശ്രീപതേ ശമയ ദുഃഖമശേഷം' (ഓ ലക്ഷ്മീപതേ, എന്റെ സകല ദുഃഖങ്ങളും ശമിപ്പിക്കണേ) എന്ന പ്രാർഥനയോടെ അവസാനിക്കുന്നു.