దశరథ కృత శని స్తోత్రం Meaning — Line by Line

राजा दशरथः स्तोत्रं सौरेरिदमथाकरोत्॥ दशरथ उवाच —

नमः कृष्णाय नीलाय शितिकण्ठनिभाय च। नमः कालाग्निरूपाय कृतान्ताय च वै नमः॥१॥

नमो निर्मांसदेहाय दीर्घश्मश्रुजटाय च। नमो विशालनेत्राय शुष्कोदरभयाकृते॥२॥

नमः पुष्कलगात्राय स्थूलरोम्णेऽथ वै नमः। नमो दीर्घाय शुष्काय कालदंष्ट्र नमोऽस्तु ते॥३॥

नमस्ते कोटराक्षाय दुर्निरीक्ष्याय वै नमः। नमो घोराय रौद्राय भीषणाय कपालिने॥४॥

नमस्ते सर्वभक्षाय बलीमुख नमोऽस्तु ते। सूर्यपुत्र नमस्तेऽस्तु भास्करेऽभयदाय च॥५॥

अधोदृष्टे नमस्तेऽस्तु संवर्तक नमोऽस्तु ते। नमो मन्दगते तुभ्यं निस्त्रिंशाय नमोऽस्तु ते॥६॥

तपसा दग्धदेहाय नित्यं योगरताय च। नमो नित्यं क्षुधार्ताय अतृप्ताय च वै नमः॥७॥

ज्ञानचक्षुर्नमस्तेऽस्तु कश्यपात्मजसूनवे। तुष्टो ददासि वै राज्यं रुष्टो हरसि तत्क्षणात्॥८॥

देवासुरमनुष्याश्च सिद्धविद्याधरोरगाः। त्वया विलोकिताः सर्वे नाशं यान्ति समूलतः॥९॥

प्रसादं कुरु मे सौरे वरदो भव भास्करे। एवं स्तुतस्तदा सौरिर्ग्रहराजो महाबलः॥१०॥

दशरथ उवाच — प्रसन्नो यदि मे सौरे वरं देहि ममेप्सितम्। अद्यप्रभृति पिंगाक्ष पीडा देया न कस्यचित्॥

रोहिणीं भेदयित्वा तु न गन्तव्यं कदाचन। सरितः सागरा यावद्यावच्चन्द्रार्कमेदिनी॥

याचितं तु महासौरे नान्यमिच्छाम्यहम्। एवमस्तु शनिप्रोक्तं वरं लब्ध्वा तु शाश्वतम्॥

प्राप्यैवं तु वरं राजा कृतकृत्योऽभवत्तदा। पुनरेवाब्रवीत्तुष्टो वरं वरय सुव्रत॥

इति श्रीदशरथकृतं श्रीशनैश्चरस्तोत्रं सम्पूर्णम्॥