గౌరీదశకం PDF

लीलारब्धस्थापितलुप्ताखिललोकां लोकातीतैर्योगिभिरन्तश्चिरमृग्याम् । बालादित्यश्रेणिसमानद्युतिपुञ्जां गौरीमम्बामम्बुरुहाक्षीमहमीडे ॥ १॥

līlārabdhasthāpitaluptākhilalokāṃ lokātītairyogibhirantaściramṛgyām | bālādityaśreṇisamānadyutipuñjāṃ gaurīmambāmamburuhākṣīmahamīḍe || 1||

1. లీలామాత్రముగా సమస్త లోకములను సృష్టించి, పోషించి, లయము చేయు; లోకాతీత యోగులచే అంతఃకరణములో చిరకాలము అన్వేషింపబడు; ఉదయించు సూర్యుల పంక్తి వంటి తేజఃపుంజమైన ఆ కమలనయన మాత గౌరిని నేను స్తుతించుచున్నాను.

प्रत्याहारध्यानसमाधिस्थितिभाजां नित्यं चित्ते निर्वृतिकाष्ठां कलयन्तीम् । सत्यज्ञानानन्दमयीं तां तनुरूपां गौरीमम्बामम्बुरुहाक्षीमहमीडे ॥ २॥

pratyāhāradhyānasamādhisthitibhājāṃ nityaṃ citte nirvṛtikāṣṭhāṃ kalayantīm | satyajñānānandamayīṃ tāṃ tanurūpāṃ gaurīmambāmamburuhākṣīmahamīḍe || 2||

2. ప్రత్యాహార-ధ్యాన-సమాధిలో నిలిచిన సాధకుల చిత్తములో నిత్యము పరమ నిర్వృతి (ఆనందము) యొక్క కాష్ఠయై; సత్-చిత్-ఆనందమయి యైనను సుందర రూపమును ధరించు ఆ కమలనయన మాత గౌరిని నేను స్తుతించుచున్నాను.

चन्द्रापीडानन्दितमन्दस्मितवक्त्रां चन्द्रापीडालङ्कृतनीलालकभाराम् । इन्द्रोपेन्द्राद्यर्चितपादाम्बुरुहां तां गौरीमम्बामम्बुरुहाक्षीमहमीडे ॥ ३॥

candrāpīḍānanditamandasmitavaktrāṃ candrāpīḍālaṅkṛtanīlālakabhārām | indropendrādyarcitapādāmburuhāṃ tāṃ gaurīmambāmamburuhākṣīmahamīḍe || 3||

3. మంద మందహాసముతో ప్రఫుల్లమై చంద్రునిచే అలంకృతమైన ముఖము కలది; నీల కేశపాశమును చంద్రకళ అలంకరించునది; ఇంద్ర-ఉపేంద్రాది దేవులచే పూజింపబడు చరణకమలములు కలది యైన ఆ కమలనయన మాత గౌరిని నేను స్తుతించుచున్నాను.

आदिक्षान्तामक्षरमूर्त्या विलसन्तीं भूते भूते भूतकदम्बप्रसवित्रीम् । शब्दब्रह्मानन्दमयीं तां तटिदाभां गौरीमम्बामम्बुरुहाक्षीमहमीडे ॥ ४॥

ādikṣāntāmakṣaramūrtyā vilasantīṃ bhūte bhūte bhūtakadambaprasavitrīm | śabdabrahmānandamayīṃ tāṃ taṭidābhāṃ gaurīmambāmamburuhākṣīmahamīḍe || 4||

4. 'అ' నుండి 'క్ష' వరకు సమస్త అక్షరముల (సంస్కృత వర్ణమాల) స్వరూపమున విలసిల్లునది; ప్రతి భూతములో భూతసమూహమును ప్రసవించు మాత; శబ్దబ్రహ్మ-ఆనందమయి, విద్యుత్తు వంటి ప్రభ కలది యైన ఆ కమలనయన మాత గౌరిని నేను స్తుతించుచున్నాను.

मूलाधारादुत्थितरूपां शशिनाडी- मध्याकाशे शुद्धमरीचिं प्रकटन्तीम् । हस्ते मुद्रामक्षवलीं पुस्तकमम्बां गौरीमम्बामम्बुरुहाक्षीमहमीडे ॥ ५॥

mūlādhārādutthitarūpāṃ śaśināḍī- madhyākāśe śuddhamarīciṃ prakaṭantīm | haste mudrāmakṣavalīṃ pustakamambāṃ gaurīmambāmamburuhākṣīmahamīḍe || 5||

5. మూలాధారము నుండి ఊర్ధ్వముగా ఉత్థితమగు రూపము కలది; శశినాడి (సుషుమ్న) మధ్యాకాశములో శుద్ధ కిరణ రూపమున ప్రకటమగునది; చేతులలో ముద్ర, అక్షమాల, పుస్తకము ధరించు ఆ కమలనయన మాత గౌరిని నేను స్తుతించుచున్నాను.

नित्यः शुद्धो निष्कल एको जगदीशः साक्षी यस्याः सर्गविधौ संहरणे च । विश्वत्राणक्रीडनलोलां शिवपत्नीं गौरीमम्बामम्बुरुहाक्षीमहमीडे ॥ ६॥

nityaḥ śuddho niṣkala eko jagadīśaḥ sākṣī yasyāḥ sargavidhau saṃharaṇe ca | viśvatrāṇakrīḍanalolāṃ śivapatnīṃ gaurīmambāmamburuhākṣīmahamīḍe || 6||

6. నిత్య-శుద్ధ-నిష్కల-ఏక జగదీశ్వరుడైన (శివుని) పత్నియై; ఆయన సృష్టి-సంహార లీలలో కేవలము సాక్షియై ఉండు; విశ్వ పరిత్రాణ క్రీడలో సదా మగ్నమగు ఆ కమలనయన మాత గౌరిని నేను స్తుతించుచున్నాను.

यस्याः कुक्षौ लीनमखण्डं जगदण्डं भूयो भूयः प्रादुरभूदुत्थितमेव । पत्या सार्धं तां रजताद्रौ निवसन्तीं गौरीमम्बामम्बुरुहाक्षीमहमीडे ॥ ७॥

yasyāḥ kukṣau līnamakhaṇḍaṃ jagadaṇḍaṃ bhūyo bhūyaḥ prādurabhūdutthitameva | patyā sārdhaṃ tāṃ rajatādrau nivasantīṃ gaurīmambāmamburuhākṣīmahamīḍe || 7||

7. ఎవరి ఉదరములో అఖండ బ్రహ్మాండము లయమై మరల మరల పునః ప్రకటమగునో; తన పతితో రజతాద్రి (కైలాసము) పై నివసించు ఆ కమలనయన మాత గౌరిని నేను స్తుతించుచున్నాను.

यस्यामोतं प्रोतमशेषं मणिमाला- सूत्रे यद्वत्क्वापि चरं चाप्यचरं च । तां सर्वज्ञां सर्वगतां सत्यविरूपां गौरीमम्बामम्बुरुहाक्षीमहमीडे ॥ ८॥

yasyāmotaṃ protamaśeṣaṃ maṇimālā- sūtre yadvatkvāpi caraṃ cāpyacaraṃ ca | tāṃ sarvajñāṃ sarvagatāṃ satyavirūpāṃ gaurīmambāmamburuhākṣīmahamīḍe || 8||

8. ఒక సూత్రములో మణిమాల కూర్చబడినట్లు, ఎవరిలో సమస్త చర-అచరములు ఓతప్రోతమై ఉన్నవో; సర్వజ్ఞ, సర్వవ్యాపిని, సత్యస్వరూపిణి యైన ఆ కమలనయన మాత గౌరిని నేను స్తుతించుచున్నాను.

नानाकारैः शक्तिकदम्बैर्भुवनानि व्याप्य स्वैरं क्रीडति यैषा स्वयमेका । कल्याणीं तां कल्पलतामानतिभाजां गौरीमम्बामम्बुरुहाक्षीमहमीडे ॥ ९॥

nānākāraiḥ śaktikadambairbhuvanāni vyāpya svairaṃ krīḍati yaiṣā svayamekā | kalyāṇīṃ tāṃ kalpalatāmānatibhājāṃ gaurīmambāmamburuhākṣīmahamīḍe || 9||

9. ఏకాకి, ఏకమై ఉండియు వివిధ శక్తిసమూహములచే సమస్త భువనములను వ్యాపించి స్వేచ్ఛగా క్రీడించు; కల్యాణి యైన, నమస్కరించువారికి కల్పలత వంటి ఆ కమలనయన మాత గౌరిని నేను స్తుతించుచున్నాను.

आशापाशक्लेशविनाशं विदधानां पादाम्भोजध्यानपराणां पुरुषाणाम् । ईशामीशार्धाङ्गहरां तामभिरामां गौरीमम्बामम्बुरुहाक्षीमहमीडे ॥ १०॥

āśāpāśakleśavināśaṃ vidadhānāṃ pādāmbhojadhyānaparāṇāṃ puruṣāṇām | īśāmīśārdhāṅgaharāṃ tāmabhirāmāṃ gaurīmambāmamburuhākṣīmahamīḍe || 10||

10. తన చరణకమలముల ధ్యానములో నిమగ్నులైన పురుషుల ఆశా-పాశ రూప క్లేశమును నశింపజేయు; ఈశ్వరి యైన, శివుని అర్ధాంగమును ధరించు (అర్ధనారీశ్వర రూప) ఆ సుందర కమలనయన మాత గౌరిని నేను స్తుతించుచున్నాను.

प्रातःकाले भावविशुद्धः प्रणिधानात् भक्त्या नित्यं जल्पति गौरीदशकं यः । वाचां सिद्धिं सम्पदमग्र्यां शिवभक्तिं तस्य प्रयच्छत्यचिरान्मातृसमेता ॥ ११॥

prātaḥkāle bhāvaviśuddhaḥ praṇidhānāt bhaktyā nityaṃ jalpati gaurīdaśakaṃ yaḥ | vācāṃ siddhiṃ sampadamagryāṃ śivabhaktiṃ tasya prayacchatyacirānmātṛsametā || 11||

11. శుద్ధ భావముతో ప్రాతఃకాలమున నిత్యము భక్తి-ప్రణిధానముతో ఈ గౌరీదశకమును పఠించువానికి, మాత (స్వామితో సహా) శీఘ్రముగా వాక్-సిద్ధి, శ్రేష్ఠ సంపద, శివభక్తిని ప్రసాదించును.