ദശാവതാര സ്തോത്രം — പ്രളയപയോധിജലേ (ജയദേവൻ) — Complete Lyrics
दशावतार स्तोत्रम् — प्रलयपयोधिजले (जयदेव)
Sanskrit text with English transliteration and translation
प्रलयपयोधिजले धृतवानसि वेदं विहितवहित्रचरित्रमखेदम् ।
केशव धृतमीनशरीर जय जगदीश हरे ॥ १॥
क्षितिरतिविपुलतरे तव तिष्ठति पृष्ठे धरणिधरणकिणचक्रगरिष्ठे ।
केशव धृतकच्छपरूप जय जगदीश हरे ॥ २॥
वसति दशनशिखरे धरणी तव लग्ना शशिनि कलङ्ककलेव निमग्ना ।
केशव धृतसूकररूप जय जगदीश हरे ॥ ३॥
तव करकमलवरे नखमद्भुतशृङ्गं दलितहिरण्यकशिपुतनुभृङ्गम् ।
केशव धृतनरहरिरूप जय जगदीश हरे ॥ ४॥
छलयसि विक्रमणे बलिमद्भुतवामन पदनखनीरजनितजनपावन ।
केशव धृतवामनरूप जय जगदीश हरे ॥ ५॥
क्षत्रियरुधिरमये जगदपगतपापं स्नपयसि पयसि शमितभवतापम् ।
केशव धृतभृगुपतिरूप जय जगदीश हरे ॥ ६॥
वितरसि दिक्षु रणे दिक्पतिकमनीयं दशमुखमौलिबलिं रमणीयम् ।
केशव धृतरामशरीर जय जगदीश हरे ॥ ७॥
वहसि वपुषि विशदे वसनं जलदाभं हलहतिभीतिमिलितयमुनाभम् ।
केशव धृतहलधररूप जय जगदीश हरे ॥ ८॥
निन्दसि यज्ञविधेरहह श्रुतिजातं सदयहृदयदर्शितपशुघातम् ।
केशव धृतबुद्धशरीर जय जगदीश हरे ॥ ९॥
म्लेच्छनिवहनिधने कलयसि करवालं धूमकेतुमिव किमपि करालम् ।
केशव धृतकल्किशरीर जय जगदीश हरे ॥ १०॥
श्रीजयदेवकवेरिदमुदितमुदारं शृणु सुखदं शुभदं भवसारम् ।
केशव धृतदशविधरूप जय जगदीश हरे ॥ ११॥
pralayapayodhijale dhṛtavānasi vedaṃ vihitavahitracaritramakhedam |
keśava dhṛtamīnaśarīra jaya jagadīśa hare || 1||
kṣitirativipulatare tava tiṣṭhati pṛṣṭhe dharaṇidharaṇakiṇacakragariṣṭhe |
keśava dhṛtakacchaparūpa jaya jagadīśa hare || 2||
vasati daśanaśikhare dharaṇī tava lagnā śaśini kalaṅkakaleva nimagnā |
keśava dhṛtasūkararūpa jaya jagadīśa hare || 3||
tava karakamalavare nakhamadbhutaśṛṅgaṃ dalitahiraṇyakaśiputanubhṛṅgam |
keśava dhṛtanaraharirūpa jaya jagadīśa hare || 4||
chalayasi vikramaṇe balimadbhutavāmana padanakhanīrajanitajanapāvana |
keśava dhṛtavāmanarūpa jaya jagadīśa hare || 5||
kṣatriyarudhiramaye jagadapagatapāpaṃ snapayasi payasi śamitabhavatāpam |
keśava dhṛtabhṛgupatirūpa jaya jagadīśa hare || 6||
vitarasi dikṣu raṇe dikpatikamanīyaṃ daśamukhamaulibaliṃ ramaṇīyam |
keśava dhṛtarāmaśarīra jaya jagadīśa hare || 7||
vahasi vapuṣi viśade vasanaṃ jaladābhaṃ halahatibhītimilitayamunābham |
keśava dhṛtahaladhararūpa jaya jagadīśa hare || 8||
nindasi yajñavidherahaha śrutijātaṃ sadayahṛdayadarśitapaśughātam |
keśava dhṛtabuddhaśarīra jaya jagadīśa hare || 9||
mlecchanivahanidhane kalayasi karavālaṃ dhūmaketumiva kimapi karālam |
keśava dhṛtakalkiśarīra jaya jagadīśa hare || 10||
śrījayadevakaveridamuditamudāraṃ śṛṇu sukhadaṃ śubhadaṃ bhavasāram |
keśava dhṛtadaśavidharūpa jaya jagadīśa hare || 11||
ജയദേവന്റെ ഗീതഗോവിന്ദത്തിൽ നിന്നെടുത്ത, വിഷ്ണു ഭഗവാന്റെ പത്ത് അവതാരങ്ങളുടെ (ദശാവതാരം) പ്രസിദ്ധമായ സ്തുതിഗീതം — അവിടുത്തെ മത്സ്യം (മീൻ), കൂർമം (ആമ), വരാഹം (പന്നി), നരസിംഹം (നര-സിംഹം), വാമനൻ (കുള്ളൻ), പരശുരാമൻ, രാമൻ, ബലരാമൻ, ബുദ്ധൻ, കല്കി എന്നീ രൂപങ്ങളിൽ നമിക്കുന്നു; ഓരോ ശ്ലോകവും 'ജയ ജഗദീശ ഹരേ' എന്ന് അവസാനിക്കുന്നു — അല്ലയോ വിശ്വനാഥാ, അല്ലയോ ഹരീ, അങ്ങേക്ക് ജയം!
Want to understand every word?
Read Word-by-Word Meaning →