ଶ୍ରୀ ଗଣେଶ ପଞ୍ଚରତ୍ନମ୍ Meaning — Line by Line

मुदा करात्त मोदकं सदा विमुक्ति साधकं । कलाधरावतंसकं विलासिलोक रक्षकम् । अनायकैक नायकं विनाशितेभ दैत्यकं । नताशुभाशु नाशकं नमामि तं विनायकम् ॥

नतेतराति भीकरं नवोदितार्क भास्वरं । नमत्सुरारि निर्जरं नताधिकापदुद्ढरम् । सुरेश्वरं निधीश्वरं गजेश्वरं गणेश्वरं । महेश्वरं तमाश्रये परात्परं निरन्तरम् ॥

समस्त लोक शङ्करं निरस्त दैत्य कुञ्जरं । दरेतरोदरं वरं वरेभ वक्त्रमक्षरम् । कृपाकरं क्षमाकरं मुदाकरं यशस्करं । मनस्करं नमस्कृतां नमस्करोमि भास्वरम् ॥

अकिञ्चनार्ति मार्जनं चिरन्तनोक्ति भाजनं । पुरारि पूर्व नन्दनं सुरारि गर्व चर्वणम् । प्रपञ्च नाश भीषणं धनञ्जयादि भूषणं । कपोल दानवारणं भजे पुराण वारणम् ॥

नितान्त कान्ति दन्त कान्ति मन्त कान्ति कात्मजम् । अचिन्त्य रूपमन्त हीन मन्तराय कृन्तनम् । हृदन्तरे निरन्तरं वसन्तमेव योगिनां । तमेकदन्तमेव तं विचिन्तयामि सन्ततम् ॥

महागणेश पञ्चरत्नमादरेण योऽन्वहं । प्रजल्पति प्रभातके हृदि स्मरन् गणेश्वरम् । अरोगतामदोषतां सुसाहितीं सुपुत्रतां । समाहितायु रष्टभूति मभ्युपैति सोऽचिरात् ॥