দক্ষিণামূর্তি স্তোত্রম্ — Complete Lyrics
दक्षिणामूर्ति स्तोत्रम्
Sanskrit text with English transliteration and translation
Verse 1
मौनव्याख्याप्रकटितपरब्रह्मतत्त्वं युवानं
वर्षिष्ठान्ते वसदृषिगणैरावृतं ब्रह्मनिष्ठैः ।
आचार्येन्द्रं करकलितचिन्मुद्रमानन्दरूपं
स्वात्मारामं मुदितवदनं दक्षिणामूर्तिमीडे ॥
maunavyākhyāprakaṭitaparabrahmatattvaṃ yuvānaṃ
varṣiṣṭhānte vasadṛṣigaṇairāvṛtaṃ brahmaniṣṭhaiḥ |
ācāryendraṃ karakalitacinmudramānandarūpaṃ
svātmārāmaṃ muditavadanaṃ dakṣiṇāmūrtimīḍe ||
আমি সেই দক্ষিণামূর্তিকে বন্দনা করি — যিনি রূপে নিত্য-যুবা, তবু ব্রহ্মে স্থিত বৃদ্ধ ঋষিদের দ্বারা পরিবেষ্টিত হয়ে উপবিষ্ট; যিনি মৌনের মাধ্যমে পরব্রহ্ম তত্ত্ব উপদেশ করেন; যিনি আচার্যদের মধ্যে শ্রেষ্ঠ, যাঁর হাত চিন্মুদ্রায় ধৃত, যাঁর স্বরূপ আনন্দ, যিনি নিজ আত্মাতেই রমণ করেন, এবং যাঁর মুখ প্রসন্ন।
Verse 2
विश्वं दर्पणदृश्यमाननगरीतुल्यं निजान्तर्गतं
पश्यन्नात्मनि मायया बहिरिवोद्भूतं यथा निद्रया ।
यः साक्षात्कुरुते प्रबोधसमये स्वात्मानमेवाद्वयं
तस्मै श्रीगुरुमूर्तये नम इदं श्रीदक्षिणामूर्तये ॥ १॥
viśvaṃ darpaṇadṛśyamānanagarītulyaṃ nijāntargataṃ
paśyannātmani māyayā bahirivodbhūtaṃ yathā nidrayā |
yaḥ sākṣātkurute prabodhasamaye svātmānamevādvayaṃ
tasmai śrīgurumūrtaye nama idaṃ śrīdakṣiṇāmūrtaye || 1||
এই বিশ্ব দর্পণে দৃশ্যমান নগরীর মতো — যা নিজ আত্মার অভ্যন্তরেই, তবু মায়ার কারণে স্বপ্নের মতো বাইরে উৎপন্ন বলে প্রতীত হয়। জাগরণের মুহূর্তে যিনি এই সমস্তকে নিজ অদ্বয় আত্মা রূপে সাক্ষাৎ অনুভব করেন — সেই গুরুস্বরূপ শ্রীদক্ষিণামূর্তিকে এই নমস্কার।
Verse 3
बीजस्यान्तरिवाङ्कुरो जगदिदं प्राङ्निर्विकल्पं पुनः
मायाकल्पितदेशकालकलनावैचित्र्यचित्रीकृतम् ।
मायावीव विजृम्भयत्यपि महायोगीव यः स्वेच्छया
तस्मै श्रीगुरुमूर्तये नम इदं श्रीदक्षिणामूर्तये ॥ २॥
bījasyāntarivāṅkuro jagadidaṃ prāṅnirvikalpaṃ punaḥ
māyākalpitadeśakālakalanāvaicitryacitrīkṛtam |
māyāvīva vijṛmbhayatyapi mahāyogīva yaḥ svecchayā
tasmai śrīgurumūrtaye nama idaṃ śrīdakṣiṇāmūrtaye || 2||
এই বিশ্ব প্রকট হওয়ার পূর্বে বীজের অভ্যন্তরে লুকানো অঙ্কুরের মতো নির্বিকল্প (অভেদ) ছিল; পরে মায়া দ্বারা কল্পিত দেশ-কালের ভেদের বিচিত্র বৈচিত্র্যে চিত্রিত হয়ে, জাদুকরের মতো, মহাযোগীর মতো, যিনি নিজ ইচ্ছায় তা প্রকট করেন — সেই গুরুস্বরূপ শ্রীদক্ষিণামূর্তিকে এই নমস্কার।
Verse 4
यस्यैव स्फुरणं सदात्मकमसत्कल्पार्थकं भासते
साक्षात्तत्त्वमसीति वेदवचसा यो बोधयत्याश्रितान् ।
यत्साक्षात्करणाद्भवेन्न पुनरावृत्तिर्भवाम्भोनिधौ
तस्मै श्रीगुरुमूर्तये नम इदं श्रीदक्षिणामूर्तये ॥ ३॥
yasyaiva sphuraṇaṃ sadātmakamasatkalpārthakaṃ bhāsate
sākṣāttattvamasīti vedavacasā yo bodhayatyāśritān |
yatsākṣātkaraṇādbhavenna punarāvṛttirbhavāmbhonidhau
tasmai śrīgurumūrtaye nama idaṃ śrīdakṣiṇāmūrtaye || 3||
যাঁর স্বয়ং-প্রকাশ চৈতন্য, স্বয়ং সৎস্বরূপ হয়ে, অসৎ (মিথ্যা) পদার্থকেও সত্যের মতো ভাসমান করে; যিনি 'তত্ত্বমসি' এই মহান বেদ-বচন দ্বারা নিজ আশ্রিতদের বোধ করান; এবং যাঁর সাক্ষাৎকার হলে সংসার-সাগরে পুনরায় আবৃত্তি (পুনর্জন্ম) হয় না — সেই গুরুস্বরূপ শ্রীদক্ষিণামূর্তিকে এই নমস্কার।
Verse 5
नानाच्छिद्रघटोदरस्थितमहादीपप्रभाभास्वरं
ज्ञानं यस्य तु चक्षुरादिकरणद्वारा बहिः स्पन्दते ।
जानामीति तमेव भान्तमनुभात्येतत्समस्तं जगत्
तस्मै श्रीगुरुमूर्तये नम इदं श्रीदक्षिणामूर्तये ॥ ४॥
nānācchidraghaṭodarasthitamahādīpaprabhābhāsvaraṃ
jñānaṃ yasya tu cakṣurādikaraṇadvārā bahiḥ spandate |
jānāmīti tameva bhāntamanubhātyetatsamastaṃ jagat
tasmai śrīgurumūrtaye nama idaṃ śrīdakṣiṇāmūrtaye || 4||
যাঁর জ্ঞান (চৈতন্য), অনেক ছিদ্রযুক্ত কলসের অভ্যন্তরে রাখা মহাদীপের আলোর মতো, চক্ষু আদি ইন্দ্রিয়ের দ্বার দিয়ে বাইরে স্পন্দিত হয়; যখন তিনিই 'আমি জানি' এই রূপে প্রকাশিত হন, তখন এই সমস্ত জগৎ তাঁরই পিছনে (তাঁরই আলোয়) প্রকাশিত হয় — সেই গুরুস্বরূপ শ্রীদক্ষিণামূর্তিকে এই নমস্কার।
Verse 6
देहं प्राणमपीन्द्रियाण्यपि चलां बुद्धिं च शून्यं विदुः
स्त्रीबालान्धजडोपमास्त्वहमिति भ्रान्ता भृशं वादिनः ।
मायाशक्तिविलासकल्पितमहा व्यामोहसंहारिणे
तस्मै श्रीगुरुमूर्तये नम इदं श्रीदक्षिणामूर्तये ॥ ५॥
dehaṃ prāṇamapīndriyāṇyapi calāṃ buddhiṃ ca śūnyaṃ viduḥ
strībālāndhajaḍopamāstvahamiti bhrāntā bhṛśaṃ vādinaḥ |
māyāśaktivilāsakalpitamahā vyāmohasaṃhāriṇe
tasmai śrīgurumūrtaye nama idaṃ śrīdakṣiṇāmūrtaye || 5||
'শরীর, প্রাণ, ইন্দ্রিয়, চঞ্চল বুদ্ধি অথবা শূন্য — এই-ই আত্মা' — এমন নারী, শিশু, অন্ধ ও জড়ের মতো ভ্রান্ত বাদীরা অত্যন্ত আগ্রহে বলে। মায়া-শক্তির বিলাসে রচিত এই মহান ব্যামোহের সংহারকারী — সেই গুরুস্বরূপ শ্রীদক্ষিণামূর্তিকে এই নমস্কার।
Verse 7
राहुग्रस्तदिवाकरेन्दुसदृशो मायासमाच्छादनात्
सन्मात्रः करणोपसंहरणतो योऽभूत्सुषुप्तः पुमान् ।
प्रागस्वाप्समिति प्रबोधसमये यः प्रत्यभिज्ञायते
तस्मै श्रीगुरुमूर्तये नम इदं श्रीदक्षिणामूर्तये ॥ ६॥
rāhugrastadivākarendusadṛśo māyāsamācchādanāt
sanmātraḥ karaṇopasaṃharaṇato yo’bhūtsuṣuptaḥ pumān |
prāgasvāpsamiti prabodhasamaye yaḥ pratyabhijñāyate
tasmai śrīgurumūrtaye nama idaṃ śrīdakṣiṇāmūrtaye || 6||
রাহু-গ্রস্ত সূর্য অথবা চন্দ্রের মতো, মানুষ গভীর নিদ্রায় ইন্দ্রিয়ের উপসংহারে মায়ায় আচ্ছাদিত হয়ে কেবল শুদ্ধ সত্তা-মাত্র থেকে যায়; এবং জাগরণের সময় সে 'আমি পূর্বে (ঘুমিয়ে) ছিলাম' এইরূপে সেই নিত্য আত্মাকে চিনে নেয় — সেই গুরুস্বরূপ শ্রীদক্ষিণামূর্তিকে এই নমস্কার।
Verse 8
बाल्यादिष्वपि जाग्रदादिषु तथा सर्वास्ववस्थास्वपि
व्यावृत्तास्वनुवर्तमानमहमित्यन्तः स्फुरन्तं सदा ।
स्वात्मानं प्रकटीकरोति भजतां यो मुद्रया भद्रया
तस्मै श्रीगुरुमूर्तये नम इदं श्रीदक्षिणामूर्तये ॥ ७॥
bālyādiṣvapi jāgradādiṣu tathā sarvāsvavasthāsvapi
vyāvṛttāsvanuvartamānamahamityantaḥ sphurantaṃ sadā |
svātmānaṃ prakaṭīkaroti bhajatāṃ yo mudrayā bhadrayā
tasmai śrīgurumūrtaye nama idaṃ śrīdakṣiṇāmūrtaye || 7||
বাল্য, যৌবন, বার্ধক্য তথা জাগ্রত, স্বপ্ন, সুষুপ্তি — এই সমস্ত পরিবর্তনশীল অবস্থাতেও যিনি 'আমি' রূপে ভিতরে নিরন্তর স্ফুরিত থাকেন, সেই নিজ আত্মাকে যিনি নিজ ভক্তদের জন্য কল্যাণকারী (ভদ্র) মুদ্রার মাধ্যমে প্রকট করেন — সেই গুরুস্বরূপ শ্রীদক্ষিণামূর্তিকে এই নমস্কার।
Verse 9
विश्वं पश्यति कार्यकारणतया स्वस्वामिसंबन्धतः
शिष्याचार्यतया तथैव पितृपुत्राद्यात्मना भेदतः ।
स्वप्ने जाग्रति वा य एष पुरुषो मायापरिभ्रामितः
तस्मै श्रीगुरुमूर्तये नम इदं श्रीदक्षिणामूर्तये ॥ ८॥
viśvaṃ paśyati kāryakāraṇatayā svasvāmisaṃbandhataḥ
śiṣyācāryatayā tathaiva pitṛputrādyātmanā bhedataḥ |
svapne jāgrati vā ya eṣa puruṣo māyāparibhrāmitaḥ
tasmai śrīgurumūrtaye nama idaṃ śrīdakṣiṇāmūrtaye || 8||
মায়ায় ভ্রান্ত এই পুরুষ, স্বপ্নে অথবা জাগ্রতে, এই এক (আত্মা-রূপ) বিশ্বকে কার্য-কারণ, স্বামী-সেবক, শিষ্য-আচার্য, পিতা-পুত্র আদি সম্বন্ধের ভেদে বহু রূপে বিভক্ত দেখে — সেই গুরুস্বরূপ শ্রীদক্ষিণামূর্তিকে এই নমস্কার।
Verse 10
भूरम्भांस्यनलोऽनिलोऽम्बरमहर्नाथो हिमांशुः पुमान्
इत्याभाति चराचरात्मकमिदं यस्यैव मूर्त्यष्टकम् ।
नान्यत्किञ्चन विद्यते विमृशतां यस्मात्परस्माद्विभोः
तस्मै श्रीगुरुमूर्तये नम इदं श्रीदक्षिणामूर्तये ॥ ९॥
bhūrambhāṃsyanalo’nilo’mbaramaharnātho himāṃśuḥ pumān
ityābhāti carācarātmakamidaṃ yasyaiva mūrtyaṣṭakam |
nānyatkiñcana vidyate vimṛśatāṃ yasmātparasmādvibhoḥ
tasmai śrīgurumūrtaye nama idaṃ śrīdakṣiṇāmūrtaye || 9||
পৃথিবী, জল, অগ্নি, বায়ু, আকাশ, সূর্য, চন্দ্র ও জীব (পুরুষ) — এই আট রূপে (অষ্টমূর্তি) এই চরাচর জগৎ প্রতীত হয়; যাঁরা গভীরভাবে বিচার করেন, তাঁদের কাছে সেই সর্বব্যাপক পরম তত্ত্ব ছাড়া আর কিছুই নেই — সেই গুরুস্বরূপ শ্রীদক্ষিণামূর্তিকে এই নমস্কার।
Verse 11
सर्वात्मत्वमिति स्फुटीकृतमिदं यस्मादमुष्मिन् स्तवे
तेनास्य श्रवणात्तदर्थमननाद्ध्यानाच्च सङ्कीर्तनात् ।
सर्वात्मत्वमहाविभूतिसहितं स्यादीश्वरत्वं स्वतः ततः
सिद्ध्येत्तत्पुनरष्टधा परिणतं चैश्वर्यमव्याहतम् ॥ १०॥
sarvātmatvamiti sphuṭīkṛtamidaṃ yasmādamuṣmin stave
tenāsya śravaṇāttadarthamananāddhyānācca saṅkīrtanāt |
sarvātmatvamahāvibhūtisahitaṃ syādīśvaratvaṃ svataḥ tataḥ
siddhyettatpunaraṣṭadhā pariṇataṃ caiśvaryamavyāhatam || 10||
এই স্তোত্রে 'সর্বই আত্মা' (সর্বাত্মত্ব) এই তত্ত্ব স্পষ্ট করা হয়েছে; তাই এর শ্রবণ, অর্থ-মনন, ধ্যান ও সংকীর্তনে সর্বাত্মত্বের মহান বিভূতি সহিত ঈশ্বরত্ব স্বয়ংই প্রাপ্ত হয়, এবং তারপর অষ্টধা প্রকট হওয়া অবাধিত ঐশ্বর্যও সিদ্ধ হয়।
Verse 12
वटविटपिसमीपे भूमिभागे निषण्णं
सकलमुनिजनानां ज्ञानदातारमारात् ।
त्रिभुवनगुरुमीशं दक्षिणामूर्तिदेवं
जननमरणदुःखच्छेददक्षं नमामि ॥
vaṭaviṭapisamīpe bhūmibhāge niṣaṇṇaṃ
sakalamunijanānāṃ jñānadātāramārāt |
tribhuvanagurumīśaṃ dakṣiṇāmūrtidevaṃ
jananamaraṇaduḥkhacchedadakṣaṃ namāmi ||
আমি সেই দক্ষিণামূর্তি দেবকে নমস্কার করি — যিনি বটবৃক্ষের সমীপে ভূমির উপর বিরাজমান, যিনি সমস্ত একত্রিত মুনিজনকে জ্ঞান প্রদান করেন, যিনি ত্রিলোকের ঈশ ও গুরু, এবং জন্ম-মৃত্যুর দুঃখ ছেদন করতে দক্ষ (নিপুণ)।
Want to understand every word?
Read Word-by-Word Meaning →