Budh Stotram — Complete Lyrics
बुध स्तोत्रम्
Sanskrit text with English transliteration and translation
अस्य श्रीबुधस्तोत्रमहामन्त्रस्य वसिष्ठ ऋषिः । अनुष्टुप्छन्दः ।
बुधो देवता । बुधप्रीत्यर्थे जपे विनियोगः ।
ध्यानम् ।
भुजैश्चतुर्भिर्वरदाभयासिगदं वहन्तं सुमुखं प्रशान्तम् ।
पीतप्रभं चन्द्रसुतं सुरेढ्यं सिम्हे निषण्णं बुधमाश्रयामि ॥
पीताम्बरः पीतवपुः पीतध्वजरथस्थितः ।
पीयूषरश्मितनयः पातु मां सर्वदा बुधः ॥ १॥
सिंहवाहं सिद्धनुतं सौम्यं सौम्यगुणान्वितम् ।
सोमसूनुं सुराराध्यं सर्वदं सौम्यमाश्रये ॥ २॥
बुधं बुद्धिप्रदातारं बाणबाणासनोज्ज्वलम् ।
भद्रप्रदं भीतिहरं भक्तपालनमाश्रये ॥ ३॥
आत्रेयगोत्रसञ्जातमाश्रितार्तिनिवारणम् ।
आदितेयकुलाराध्यमाशुसिद्धिदमाश्रये ॥ ४॥
कलानिधितनूजातं करुणारसवारिधिम् ।
कल्याणदायिनं नित्यं कन्याराश्यधिपं भजे ॥ ५॥
मन्दस्मितमुखाम्भोजं मन्मथायुतसुन्दरम् ।
मिथुनाधीशमनघं मृगाङ्कतनयं भजे ॥ ६॥
चतुर्भुजं चारुरूपं चराचरजगत्प्रभुम् ।
चर्मखड्गधरं वन्दे चन्द्रग्रहतनूभवम् ॥ ७॥
पञ्चास्यवाहनगतं पञ्चपातकनाशनम् ।
पीतगन्धं पीतमाल्यं बुधं बुधनुतं भजे ॥ ८॥
बुधस्तोत्रमिदं गुह्यं वसिष्ठेनोदितं पुरा ।
यः पठेच्छृणूयाद्वापि सर्वाभीष्टमवाप्नुयात् ॥ ९॥
इति बुधस्तोत्रं सम्पूर्णम् ।
asya śrībudhastotramahāmantrasya vasiṣṭha ṛṣiḥ | anuṣṭupchandaḥ |
budho devatā | budhaprītyarthe jape viniyogaḥ |
dhyānam |
bhujaiścaturbhirvaradābhayāsigadaṃ vahantaṃ sumukhaṃ praśāntam |
pītaprabhaṃ candrasutaṃ sureḍhyaṃ simhe niṣaṇṇaṃ budhamāśrayāmi ||
pītāmbaraḥ pītavapuḥ pītadhvajarathasthitaḥ |
pīyūṣaraśmitanayaḥ pātu māṃ sarvadā budhaḥ || 1||
siṃhavāhaṃ siddhanutaṃ saumyaṃ saumyaguṇānvitam |
somasūnuṃ surārādhyaṃ sarvadaṃ saumyamāśraye || 2||
budhaṃ buddhipradātāraṃ bāṇabāṇāsanojjvalam |
bhadrapradaṃ bhītiharaṃ bhaktapālanamāśraye || 3||
ātreyagotrasañjātamāśritārtinivāraṇam |
āditeyakulārādhyamāśusiddhidamāśraye || 4||
kalānidhitanūjātaṃ karuṇārasavāridhim |
kalyāṇadāyinaṃ nityaṃ kanyārāśyadhipaṃ bhaje || 5||
mandasmitamukhāmbhojaṃ manmathāyutasundaram |
mithunādhīśamanaghaṃ mṛgāṅkatanayaṃ bhaje || 6||
caturbhujaṃ cārurūpaṃ carācarajagatprabhum |
carmakhaḍgadharaṃ vande candragrahatanūbhavam || 7||
pañcāsyavāhanagataṃ pañcapātakanāśanam |
pītagandhaṃ pītamālyaṃ budhaṃ budhanutaṃ bhaje || 8||
budhastotramidaṃ guhyaṃ vasiṣṭhenoditaṃ purā |
yaḥ paṭhecchṛṇūyādvāpi sarvābhīṣṭamavāpnuyāt || 9||
iti budhastotraṃ sampūrṇam |
A hymn to Budha (Mercury) — the green-hued planet of intellect, speech and learning, son of Chandra — recited for sharp intelligence, eloquence, success in study and trade, and the pacifying of Budha’s afflictions.
Want to understand every word?
Read Word-by-Word Meaning →