Anantha Padmanabha Mangala Stotram Meaning — Line by Line

श्रियःकान्ताय कल्याणनिधये निधयेऽर्थिनाम् । श्रीशेषशायिने अनन्तपद्मनाभाय मङ्गलम् ॥ १ ॥

स्यानन्दूरपुरीभाग्यभव्यरूपाय विष्णवे । आनन्दसिन्धवे अनन्तपद्मनाभाय मङ्गलम् ॥ २ ॥

हेमकूटविमानान्तर्भ्राजमानाय हारिणे । हरिलक्ष्मीसमेताय पद्मनाभाय मङ्गलम् ॥ ३ ॥

श्रीवैकुण्ठविरक्ताय शङ्खतीर्थाम्बुधेस्तटे । रमया रममाणाय पद्मनाभाय मङ्गलम् ॥ ४ ॥

अशेषचिदचिद्वस्तुशेषिणे शेषशायिने । अशेषदायिने अनन्तपद्मनाभाय मङ्गलम् ॥ ५ ॥

यत्पदं परमं सेव्यं सदा पश्यन्ति सूरयः । सेनापतिमुखास्तस्मै पद्मनाभाय मङ्गलम् ॥ ६ ॥

चतुर्मुखेश्वरमुखैः पुत्रपौत्रादिशालिने । समस्तपरिवाराय पद्मनाभाय मङ्गलम् ॥ ७ ॥

दिवाकरयतीशानयोगिहृत्पद्मभानवे । परस्मै ब्रह्मणे अनन्तपद्मनाभाय मङ्गलम् ॥ ८ ॥

पराङ्कुशप्रबन्धोक्तिप्रथिताय परमात्मने । पूर्णाय महते अनन्तपद्मनाभाय मङ्गलम् ॥ ९ ॥

वञ्चिभूपशिरोरत्नरश्मिनीराजिताङ्घ्रये । वाञ्छिताखिलदायास्तु पद्मनाभाय मङ्गलम् ॥ १० ॥

सर्वावयवसौन्दर्यसौवर्णसुषमाजुषे । सदा सम्मोहनायास्तु पद्मनाभाय मङ्गलम् ॥ ११ ॥

योगेश्वराय कृष्णाय नरसिंहाय योगिने । योगमुद्राभिरामाय पद्मनाभाय मङ्गलम् ॥ १२ ॥

अनन्तपुरनाथाय निरन्तरदयामुचे । अनन्तपद्मनाभाय नित्यश्रीर्नित्यमङ्गलम् ॥ १३ ॥