केतुकवचम् PDF

॥ श्रीगणेशाय नमः ॥ ॐ अस्य श्रीकेतुकवचस्तोत्रमहामन्त्रस्य त्र्यम्बक ऋषिः, अनुष्टुप् छन्दः, केतुर्देवता, कं बीजम्, नमः शक्तिः, केतुरिति कीलकम्, केतुकृत पीडा निवारणार्थे जपे विनियोगः ॥

|| śrīgaṇeśāya namaḥ || oṃ asya śrīketukavacastotramahāmantrasya tryambaka ṛṣiḥ, anuṣṭup chandaḥ, keturdevatā, kaṃ bījam, namaḥ śaktiḥ, keturiti kīlakam, ketukṛta pīḍā nivāraṇārthe jape viniyogaḥ ||

श्रीगणेश को नमस्कार। ॐ। इस श्रीकेतुकवच स्तोत्र महामन्त्र के ऋषि त्र्यम्बक हैं, छन्द अनुष्टुप् है, देवता केतु हैं, 'कं' बीज है, 'नमः' शक्ति है, 'केतु' कीलक है; केतु के द्वारा उत्पन्न पीड़ा के निवारण हेतु इसका जप किया जाता है।

केतुं करालवदनं चित्रवर्णं किरीटिनम् । प्रणमामि सदा केतुं ध्वजाकारं ग्रहेश्वरम् ॥ १॥

ketuṃ karālavadanaṃ citravarṇaṃ kirīṭinam | praṇamāmi sadā ketuṃ dhvajākāraṃ graheśvaram || 1||

कराल मुख वाले, चित्रवर्ण (विविध रंग के), किरीटधारी केतु को — ध्वजाकार, ग्रहों के ईश्वर केतु को — मैं सदा प्रणाम करता हूँ।

चित्रवर्णः शिरः पातु भालं धूम्रसमद्युतिः । पातु नेत्रे पिङ्गलाक्षः श्रुती मे रक्तलोचनः ॥ २॥

citravarṇaḥ śiraḥ pātu bhālaṃ dhūmrasamadyutiḥ | pātu netre piṅgalākṣaḥ śrutī me raktalocanaḥ || 2||

चित्रवर्ण मेरे शिर की रक्षा करें, धूम्रसमद्युति भाल की; पिङ्गलाक्ष मेरे नेत्रों की रक्षा करें, रक्तलोचन कानों की।

घ्राणं पातु सुवर्णाभश्चिबुकं सिंहिकासुतः । पातु कण्ठं च मे केतुः स्कन्धौ पातु ग्रहाधिपः ॥ ३॥

ghrāṇaṃ pātu suvarṇābhaścibukaṃ siṃhikāsutaḥ | pātu kaṇṭhaṃ ca me ketuḥ skandhau pātu grahādhipaḥ || 3||

सुवर्णाभ मेरी नासिका की रक्षा करें, सिंहिकासुत चिबुक की; केतु मेरे कण्ठ की रक्षा करें, ग्रहाधिप स्कन्धों की।

हस्तौ पातु सुरश्रेष्ठः कुक्षिं पातु महाग्रहः । सिंहासनः कटिं पातु मध्यं पातु महासुरः ॥ ४॥

hastau pātu suraśreṣṭhaḥ kukṣiṃ pātu mahāgrahaḥ | siṃhāsanaḥ kaṭiṃ pātu madhyaṃ pātu mahāsuraḥ || 4||

सुरश्रेष्ठ मेरे हाथों की रक्षा करें, महाग्रह कुक्षि की; सिंहासन मेरी कटि की रक्षा करें, महासुर मध्य की।

ऊरू पातु महाशीर्षो जानुनी मेऽतिकोपनः । पातु पादौ च मे क्रूरः सर्वाङ्गं नरपिङ्गलः ॥ ५॥

ūrū pātu mahāśīrṣo jānunī me'tikopanaḥ | pātu pādau ca me krūraḥ sarvāṅgaṃ narapiṅgalaḥ || 5||

महाशीर्ष मेरी ऊरुओं की रक्षा करें, अतिकोपन मेरे जानुओं की; क्रूर मेरे पादों की रक्षा करें, नरपिङ्गल मेरे समस्त अङ्गों की।

य इदं कवचं दिव्यं सर्वरोगविनाशनम् । सर्वशत्रुविनाशं च धारणाद्विजयी भवेत् ॥ ६॥

ya idaṃ kavacaṃ divyaṃ sarvarogavināśanam | sarvaśatruvināśaṃ ca dhāraṇādvijayī bhavet || 6||

जो इस दिव्य कवच को — जो समस्त रोगों एवं समस्त शत्रुओं का नाशक है — धारण करता है, वह धारण मात्र से विजयी होता है।

॥ इति श्रीब्रह्माण्डपुराणे केतुकवचं सम्पूर्णम् ॥

|| iti śrībrahmāṇḍapurāṇe ketukavacaṃ sampūrṇam ||

इस प्रकार ब्रह्माण्डपुराण में केतुकवच सम्पूर्ण हुआ।