चन्द्रमौलीश स्तोत्रम् PDF

श्रीगणेशाय नमः । ओङ्कारजपरतानामोङ्कारार्थं मुदा विवृण्वानम् । ओजःप्रदं नतेभ्यस्तमहं प्रणमामि चद्रमौलीशम् ॥ १॥ नम्रसुरासुरनिकरं नलिनाहङ्कारहारिपदयुगलम् । नमदिष्टदानधीरं सततं प्रणमामि चन्द्रमौलीशम् ॥ २॥ मननाद्यत्पदयोः खलु महतीं सिद्धिं जवात्प्रपद्यन्ते । मन्देतरलक्ष्मीप्रदमनिशं प्रणमामि चद्रमौलीशम् ॥ ३॥ शितिकण्ठमिन्दुदिनकरशुचिलोचनमम्बुजाक्षविधिसेव्यम् । नतमतिदानधुरीणं सततं प्रणमामि चद्रमौलीशम् ॥ ४॥ वाचो विनिवर्तते यस्मादप्राप्य सह हृदैवेति । गीयन्ते श्रुतिततिभिस्तमहं प्रणमामि चद्रमौलीशम् ॥ ५॥ यच्छन्ति यत्पदाम्बुजभक्ताः कुतुकात्स्वभक्तेभ्यः । सर्वानपि पुरुषार्थांस्तमहं प्रणमामि चद्रमौलीशम् ॥ ६॥ पञ्चाक्षरमनुवर्णैरादौ कॢप्तां स्तुतिं पठन्नेनाम् । प्राप्य दृढां शिवभक्तिं भुक्त्वा भोगाँल्लभेत मुक्तिमपि ॥ ७॥ इति शृङ्गेरि श्रीजगद्गुरु श्रीसच्चिदानन्दशिवाभिनवनृसिंह- भारतीस्वामिभिः विरचितं श्रीचन्द्रमौलीशस्तोत्रं सम्पूर्णम् ॥

śrīgaṇeśāya namaḥ | oṅkārajaparatānāmoṅkārārthaṃ mudā vivṛṇvānam | ojaḥpradaṃ natebhyastamahaṃ praṇamāmi cadramaulīśam || 1|| namrasurāsuranikaraṃ nalināhaṅkārahāripadayugalam | namadiṣṭadānadhīraṃ satataṃ praṇamāmi candramaulīśam || 2|| mananādyatpadayoḥ khalu mahatīṃ siddhiṃ javātprapadyante | mandetaralakṣmīpradamaniśaṃ praṇamāmi cadramaulīśam || 3|| śitikaṇṭhamindudinakaraśucilocanamambujākṣavidhisevyam | natamatidānadhurīṇaṃ satataṃ praṇamāmi cadramaulīśam || 4|| vāco vinivartate yasmādaprāpya saha hṛdaiveti | gīyante śrutitatibhistamahaṃ praṇamāmi cadramaulīśam || 5|| yacchanti yatpadāmbujabhaktāḥ kutukātsvabhaktebhyaḥ | sarvānapi puruṣārthāṃstamahaṃ praṇamāmi cadramaulīśam || 6|| pañcākṣaramanuvarṇairādau kḷptāṃ stutiṃ paṭhannenām | prāpya dṛḍhāṃ śivabhaktiṃ bhuktvā bhogā~llabheta muktimapi || 7|| iti śṛṅgeri śrījagadguru śrīsaccidānandaśivābhinavanṛsiṃha- bhāratīsvāmibhiḥ viracitaṃ śrīcandramaulīśastotraṃ sampūrṇam ||

चन्द्रमौलीश — मस्तक पर चन्द्रकला धारण करने वाले भगवान शिव — की स्तुति, जो त्रिनेत्र प्रभु, उमापति, शरण व मोक्ष के दाता को वंदन करती है।