मार्कण्डेय शिवाष्टकम् PDF

सदा गोदावर्यास्तटनिकटवासं पशुपतिं वदान्यं सर्वेशं वरदमखिलार्थैक घटनम् । शिवं गौरीनाथं शशिधरमनन्तार्चितपदं भजे मार्कण्डेयं भसितनिटलं भव्यनटनम् ॥ १॥ सदा कैलासाद्रि स्वपदमनघं सर्वजगतां प्रभुं श्रीविश्वेशं प्रकटित परन्धामसरथम् । नटेशं गौरीशं ललितरविचन्द्रानलसदृशं भजे मार्कण्डेयं भसितनिटलं भव्यनटनम् ॥ २॥ महादेवं सर्वं मधुरिपुसखं मङ्गलकरं परं शम्भुं साम्बं पुरमथनमीशं भवहरम् । स्मरारिं सर्वज्ञं स्मरहरमनादिं मृगधरं भजे मार्कण्डेयं भसितनिटलं भव्यनटनम् ॥ ३॥ प्रदोषेषु स्वान्तं प्रबलतरतौर्यत्रिककृतं त्रयत्रिंशत्कोटि त्रिशदप्रवरैः सं परिवृतम् । रमावाणीन्द्र श्रीपति विधिकृतोल्लास्यकरणं भजे मार्कण्डेयं भसितनिटलं भव्यनटनम् ॥ ४॥ भवानीहृत्पद्मारुणमहिनि नीलोत्पलगलं सहस्रारे पद्मानिशमविवसन्तं सुरगुरुम् । स्तुतिभ्यो भक्तानां निखिलसुखदं सुस्थिरपदं भजे मार्कण्डेयं भसितनिटलं भव्यनटनम् ॥ ५॥ शिवस्त्वं विष्णुत्वं सकलभुवनस्त्वं रविशशि- नभस्त्वं कायस्त्वं सकलजगात्मा त्वमसि भो । यतिर्देयं सान्ते सुखतमखिलं जैमिनिवरेः भजे मार्कण्डेयं भसितनिटलं भव्यनटनम् ॥ ६॥ सदोच्चैराह्वानं हरहरहरेति प्रवचसा सदा भक्त्यानन्दो शिवशिवशिवेति स्वमनसा । स्तुतिं वारं वारम्भवभवभवेति प्रतिभया । भजे मार्कण्डेयं भसितनिटलं भव्यनटनम् ॥ ७॥ यमाहूतं भीतं मुनिवरनुतं पाशनिहतिं भवन्तं सद्भक्त्या हृदिशिशुमवन्तं करुणया । शरण्यं भक्तानां परमगतिमीशं परशिवं भजे मार्कण्डेयं भसितनिटलं भव्यनटनम् ॥ ८॥ श्रीकोलाचलसद्वंशवारिदेस्तु सुधाकरः । यज्ञेशो भूसुरश्चक्रे मार्कण्डेयशिवाष्टकम् ॥ ९॥ इति श्रीमार्कण्डेयकृतं शिवाष्टकं सम्पूर्णम् ।

sadā godāvaryāstaṭanikaṭavāsaṃ paśupatiṃ vadānyaṃ sarveśaṃ varadamakhilārthaika ghaṭanam | śivaṃ gaurīnāthaṃ śaśidharamanantārcitapadaṃ bhaje mārkaṇḍeyaṃ bhasitaniṭalaṃ bhavyanaṭanam || 1|| sadā kailāsādri svapadamanaghaṃ sarvajagatāṃ prabhuṃ śrīviśveśaṃ prakaṭita parandhāmasaratham | naṭeśaṃ gaurīśaṃ lalitaravicandrānalasadṛśaṃ bhaje mārkaṇḍeyaṃ bhasitaniṭalaṃ bhavyanaṭanam || 2|| mahādevaṃ sarvaṃ madhuripusakhaṃ maṅgalakaraṃ paraṃ śambhuṃ sāmbaṃ puramathanamīśaṃ bhavaharam | smarāriṃ sarvajñaṃ smaraharamanādiṃ mṛgadharaṃ bhaje mārkaṇḍeyaṃ bhasitaniṭalaṃ bhavyanaṭanam || 3|| pradoṣeṣu svāntaṃ prabalataratauryatrikakṛtaṃ trayatriṃśatkoṭi triśadapravaraiḥ saṃ parivṛtam | ramāvāṇīndra śrīpati vidhikṛtollāsyakaraṇaṃ bhaje mārkaṇḍeyaṃ bhasitaniṭalaṃ bhavyanaṭanam || 4|| bhavānīhṛtpadmāruṇamahini nīlotpalagalaṃ sahasrāre padmāniśamavivasantaṃ suragurum | stutibhyo bhaktānāṃ nikhilasukhadaṃ susthirapadaṃ bhaje mārkaṇḍeyaṃ bhasitaniṭalaṃ bhavyanaṭanam || 5|| śivastvaṃ viṣṇutvaṃ sakalabhuvanastvaṃ raviśaśi- nabhastvaṃ kāyastvaṃ sakalajagātmā tvamasi bho | yatirdeyaṃ sānte sukhatamakhilaṃ jaiminivareḥ bhaje mārkaṇḍeyaṃ bhasitaniṭalaṃ bhavyanaṭanam || 6|| sadoccairāhvānaṃ haraharahareti pravacasā sadā bhaktyānando śivaśivaśiveti svamanasā | stutiṃ vāraṃ vārambhavabhavabhaveti pratibhayā | bhaje mārkaṇḍeyaṃ bhasitaniṭalaṃ bhavyanaṭanam || 7|| yamāhūtaṃ bhītaṃ munivaranutaṃ pāśanihatiṃ bhavantaṃ sadbhaktyā hṛdiśiśumavantaṃ karuṇayā | śaraṇyaṃ bhaktānāṃ paramagatimīśaṃ paraśivaṃ bhaje mārkaṇḍeyaṃ bhasitaniṭalaṃ bhavyanaṭanam || 8|| śrīkolācalasadvaṃśavāridestu sudhākaraḥ | yajñeśo bhūsuraścakre mārkaṇḍeyaśivāṣṭakam || 9|| iti śrīmārkaṇḍeyakṛtaṃ śivāṣṭakaṃ sampūrṇam |

ऋषि मार्कण्डेय — जिन्होंने शिव-कृपा से मृत्यु पर विजय पाई — द्वारा भगवान शिव की आठ श्लोकों की स्तुति, जो गोदावरी-तट के अधिपति, पशुपति, भय व मृत्यु के नाशक को वंदन करती है।