शनि वज्र पञ्जर कवचम् PDF

श्री गणेशाय नमः ॥ विनियोगः । ॐ अस्य श्रीशनैश्चरवज्रपञ्जर कवचस्य कश्यप ऋषिः, अनुष्टुप् छन्दः, श्री शनैश्चर देवता, श्रीशनैश्चर प्रीत्यर्थे जपे विनियोगः ॥ ऋष्यादि न्यासः । श्रीकश्यप ऋषयेनमः शिरसि । अनुष्टुप् छन्दसे नमः मुखे । श्रीशनैश्चर देवतायै नमः हृदि । श्रीशनैश्चरप्रीत्यर्थे जपे विनियोगाय नमः सर्वाङ्गे ॥ ध्यानम् । नीलाम्बरो नीलवपुः किरीटी गृध्रस्थितस्त्रासकरो धनुष्मान् । चतुर्भुजः सूर्यसुतः प्रसन्नः सदा मम स्याद् वरदः प्रशान्तः ॥ १॥ ब्रह्मा उवाच ॥ शृणुध्वमृषयः सर्वे शनिपीडाहरं महत् । कवचं शनिराजस्य सौरेरिदमनुत्तमम् ॥ २॥ कवचं देवतावासं वज्रपंजरसंज्ञकम् । शनैश्चरप्रीतिकरं सर्वसौभाग्यदायकम् ॥ ३॥ ॐ श्रीशनैश्चरः पातु भालं मे सूर्यनन्दनः । नेत्रे छायात्मजः पातु पातु कर्णौ यमानुजः ॥ ४॥ नासां वैवस्वतः पातु मुखं मे भास्करः सदा । स्निग्धकण्ठश्च मे कण्ठं भुजौ पातु महाभुजः ॥ ५॥ स्कन्धौ पातु शनिश्चैव करौ पातु-शुभप्रदः । वक्षः पातु यमभ्राता कुक्षिं पात्वसितस्तथा ॥ ६॥ नाभिं ग्रहपतिः पातु मन्दः पातु कटिं तथा । ऊरू ममान्तकः पातु यमो जानुयुगं तथा ॥ ७॥ पादौ मन्दगतिः पातु सर्वांगं पातु पिप्पलः । अंगोपांगानि सर्वाणि रक्षेन् मे सूर्यनन्दनः ॥ ८॥ इत्येतत् कवचं दिव्यं पठेत् सूर्यसुतस्य यः । न तस्य जायते पीडा प्रीतो भवति सूर्यजः ॥ ९॥ व्यय-जन्म-द्वितीयस्थो मृत्युस्थानगतोऽपि वा । कलत्रस्थो गतो वापि सुप्रीतस्तु सदा शनिः ॥ १०॥ अष्टमस्थे सूर्यसुते व्यये जन्मद्वितीयगे । कवचं पठते नित्यं न पीडा जायते क्वचित् ॥ ११॥ इत्येतत्कवचं दिव्यं सौरेर्यन्निर्मितं पुरा । द्वादशाष्टमजन्मस्थदोषान्नाशयते सदा । जन्मलग्नस्थितान् दोषान् सर्वान्नाशयते प्रभुः ॥ १२॥ ॥ इति श्रीब्रह्माण्डपुराणे ब्रह्म-नारदसंवादे शनिवज्रपंजरकवचं सम्पूर्णम् ॥

śrī gaṇeśāya namaḥ || viniyogaḥ | oṃ asya śrīśanaiścaravajrapañjara kavacasya kaśyapa ṛṣiḥ, anuṣṭup chandaḥ, śrī śanaiścara devatā, śrīśanaiścara prītyarthe jape viniyogaḥ || ṛṣyādi nyāsaḥ | śrīkaśyapa ṛṣayenamaḥ śirasi | anuṣṭup chandase namaḥ mukhe | śrīśanaiścara devatāyai namaḥ hṛdi | śrīśanaiścaraprītyarthe jape viniyogāya namaḥ sarvāṅge || dhyānam | nīlāmbaro nīlavapuḥ kirīṭī gṛdhrasthitastrāsakaro dhanuṣmān | caturbhujaḥ sūryasutaḥ prasannaḥ sadā mama syād varadaḥ praśāntaḥ || 1|| brahmā uvāca || śṛṇudhvamṛṣayaḥ sarve śanipīḍāharaṃ mahat | kavacaṃ śanirājasya saureridamanuttamam || 2|| kavacaṃ devatāvāsaṃ vajrapaṃjarasaṃjñakam | śanaiścaraprītikaraṃ sarvasaubhāgyadāyakam || 3|| oṃ śrīśanaiścaraḥ pātu bhālaṃ me sūryanandanaḥ | netre chāyātmajaḥ pātu pātu karṇau yamānujaḥ || 4|| nāsāṃ vaivasvataḥ pātu mukhaṃ me bhāskaraḥ sadā | snigdhakaṇṭhaśca me kaṇṭhaṃ bhujau pātu mahābhujaḥ || 5|| skandhau pātu śaniścaiva karau pātu-śubhapradaḥ | vakṣaḥ pātu yamabhrātā kukṣiṃ pātvasitastathā || 6|| nābhiṃ grahapatiḥ pātu mandaḥ pātu kaṭiṃ tathā | ūrū mamāntakaḥ pātu yamo jānuyugaṃ tathā || 7|| pādau mandagatiḥ pātu sarvāṃgaṃ pātu pippalaḥ | aṃgopāṃgāni sarvāṇi rakṣen me sūryanandanaḥ || 8|| ityetat kavacaṃ divyaṃ paṭhet sūryasutasya yaḥ | na tasya jāyate pīḍā prīto bhavati sūryajaḥ || 9|| vyaya-janma-dvitīyastho mṛtyusthānagato'pi vā | kalatrastho gato vāpi suprītastu sadā śaniḥ || 10|| aṣṭamasthe sūryasute vyaye janmadvitīyage | kavacaṃ paṭhate nityaṃ na pīḍā jāyate kvacit || 11|| ityetatkavacaṃ divyaṃ saureryannirmitaṃ purā | dvādaśāṣṭamajanmasthadoṣānnāśayate sadā | janmalagnasthitān doṣān sarvānnāśayate prabhuḥ || 12|| || iti śrībrahmāṇḍapurāṇe brahma-nāradasaṃvāde śanivajrapaṃjarakavacaṃ sampūrṇam ||

शनि का "वज्र पञ्जर कवच" — एक रक्षात्मक कवच जो सूर्य-पुत्र भगवान शनि का आवाहन कर भक्त को उनकी दशा (साढ़े साती व ढैया) के कष्टों से चारों ओर से रक्षा व कृपा हेतु प्रार्थना करता है।